سوڈانی عراق سے غیر ملکی فوج کے فوری انخلا کے خواہاں 

?️ 11 جنوری 2024

سچ خبریں:عراقی وزیر اعظم محمد شیاع السوڈانی نے ملکی سرزمین میں اتحادی فوج کی موجودگی کو علاقے میں عدم استحکام کا سبب قرار دیتے ہوئے ملکی سرزمین سے فوری انخلاء پر زور دیا۔

انہوں نے کہا کہ ہم افہام و تفہیم اور بات چیت کے ذریعے اپنے ملک کی سرزمین سے بین الاقوامی اتحادی افواج کا فوری اور منظم انخلا چاہتے ہیں۔

عراق کے وزیر اعظم نے اس بات پر زور دیا کہ ہم اتحاد سے انخلاء کے خواہاں ہیں کیونکہ عراق اب دہشت گردی کے خلاف اپنا دفاع کرسکتا ہے اور اسے اپنی سرزمین پر اپنی مکمل خودمختاری کا استعمال کرنا ہوگا۔

عراق کی الفرات خبر رساں ایجنسی کے مطابق السوڈانی نے مزید کہا کہ بین الاقوامی اتحاد کی موجودگی کے خاتمے سے مزید کشیدگی اور اندرونی اور علاقائی سلامتی کے مسائل میں الجھنے سے بچ جائے گا۔

السوڈانی نے کہا کہ عراق دوطرفہ تعلقات قائم کرنے اور اتحادی ممالک بشمول امریکہ سمیت عراقی سیکورٹی فورسز کی تربیت اور مشورے کے ساتھ ساتھ ہتھیاروں کی خریداری کے شعبوں میں سیکورٹی تعاون میں حصہ لینے کے لئے تیار ہے۔

انہوں نے امریکہ کے ساتھ کشیدگی کے جاری رہنے کو دونوں ممالک کے تعلقات پر کوئی اثر نہیں ہونے والا قرار دیا اور کہا کہ امریکہ ہمارا دشمن نہیں ہے اور ہم اس کے ساتھ جنگ میں نہیں ہیں لیکن اگر یہ کشیدگی جاری رہی تو اس سے ان تعلقات پر اثر ضرور پڑے گا۔

خبر رساں ادارے روئٹرز کو انٹرویو دیتے ہوئے عراقی وزیر اعظم نے غزہ میں جنگ کا بھی ذکر کیا اور کہا کہ غزہ کی پٹی کے خلاف اسرائیل کی جنگ کا خاتمہ ہی علاقائی کشیدگی کے خطرے کو روکنے کی واحد ضمانت ہے۔