سچ خبریں:سعودی حکومت نے یمن کے مختلف علاقوں میں فضائی حملوں سے شہریوں خصوصا بچوں اور خواتین کو ہلاک کرنے کے علاوہ متعدد افراد کو راکٹوں اور توپ خانے سے ہلاک اور زخمی کیاہے۔
المسیرہ چینل کی رپورٹ کے مطابق سعودی فوج نے یمن کے شہر صعدہ میں واقع الرقو علاقہ میں نئے جرائم کا ارتکاب کیا ہےجس کے تحت انھوں نے اس سرحدی علاقے پر راکٹ اور توپ خانے سے حملہ کیا جس کے نتیجہ میں دو یمنی شہری شہید اور چھ زخمی ہوگئے، رپورٹ کے مطابق سعودی فوج نے یمن کےصوبہ صعدہ کےضلع الظاہر کےالغافر علاقے پر بھی توپ خانے سے حملہ کیا ، جس میں دو یمنی شہری زخمی ہوئے۔
دریں اثنا سعودی عرب کی سرحد پر واقع شدہ کے علاقے میں رہائشی علاقوں پر سعودی فورسز کے راکٹ اور توپ خانے کے حملوں میں دو یمنی شہری زخمی ہوگئے،المسیرہ نے مزید اطلاع دی کہ سفاک امریکی-سعودی اتحاد کے جرائم میں ایک نیا جرم شامل ہو گیا۔
واضح رہے کہ یمن کے سرحدی علاقوں پر جارحیت پسند سعودی اتحاد کے حملے جاری ہیں اور اس ملک کےرہائشی علاقوں سعودی فوج کے توپ خانے اور راکٹوں کی زد میں ہیں۔
یمنی میڈیا نے اطلاع دی ہےکہ سعودی فوج نےراکٹوں اور گولیوں کی بارش نے اپنے ملک کے ساتھ ملحقہ یمن کے سرحدی علاقوں ، البقع و الصفراء، باقم، قطابر اور منبه سے لے کر شدا اور الظاہرتک نشانہ بنایا ہے،ان حملوں نے روزمرہ کی زندگی کو ناممکن بنا دیا ہے۔
المسیرہ نے اطلاع دی کہ بین الاقوامی برادری معارب میں سعودی اتحاد سے وابستہ القاعدہ کے دہشت گردوں اور کرائے کے فوجیوں کے خلاف فریاد کررہی ہے ، ایسا لگتا ہے کہ یہ صوبہ امریکی ہے ، یمنی نہیں۔
تاہم معارب کی آزادی کا فیصلہ ناقابل واپسی ہے اور یمنی فوج اور عوامی کمیٹیاں نیز اس صوبے کے عوام کی کوششوں سے آزادی کا پرچم ضرور لہرائے اور قابضین کے تمام جھنڈے اتر جائیں گے۔
