سچ خبریں:سعودی اتحاد نے کئی بار محصور صنعا کے ہوائی اڈے کو نشانہ بنایا ہے۔
سعودی اماراتی اتحادی بمبار طیاروں نے اتوار کی صبح صنعا کے بین الاقوامی ہوائی اڈے پر بمباری کی، سعودی اتحاد کے فضائی حملے یمن کی جانب سے متحدہ عرب امارات پر میزائل اور ڈرون حملوں کے بعد صنعا پر مسلسل حملوں کے چند روز بعد ہوئے ہیں۔
دوسری جانب یہ حملے ایسے وقت ہوئے ہیں جب صنعا بین الاقوامی ہوائی اڈہ، جو یمن میں خوراک اور ادویات بھیجنے کا ایک اہم ذریعہ ہے، 2016 سے جارح اتحاد کے محاصرے میں ہے،قابل ذکر ہےکہ سعودی عرب نے خطے کے بعض عرب ممالک کے ساتھ مل کر مارچ 2015 سے یمن کے خلاف بڑے پیمانے پر حملے شروع کیے ہیں تاکہ معزول یمنی صدر عبد المنصور ہادی کو اقتدار میں واپس لایا جا سکے۔
ان حملوں کا نتیجہ سعودی حکومت کے لیے سوائے یمن کی تباہی اور ہزاروں بے گناہ لوگوں کے قتل کے کچھ نہیں نکلااور نہ ابھی تک اقوام متحدہ سمیت عالمی برادری نےا س کے خلاف کوئی اقدام کیا بلکہ اس کے برعکس اگر یمنی اپنا دفاع کرتے ہیں تو پوری دنیا میں ہاہاکار مچ جاتی ہے اور انسانی حقوق کے نعرے بلند ہونے لگتے ہیں۔
