سچ خبریں:ترکی کے لڑاکا طیاروں نے اتوار کے روز عراقی کردستان کے صوبے دوہوک کے مختلف علاقوں پر بمباری کی۔
شفق نیوز کی رپورٹ کے مطابق ترکی کے لڑاکا طیاروں نے اتوار کے روز عراقی کردستان کے صوبے دوہوک کے کچھ حصوں پر بمباری کی، عراقی فوج کے ایک ذریعے نے بتایا کہ ترکی کے لڑاکا طیاروں نے آج جبل متین اور العمادیہ شہر کے سُکری گاؤں کے آس پاس کے علاقوں پر بمباری کی۔
ذرائع نے بتایا کہ ان حملوں کے ممکنہ نقصان کی حد ابھی تک معلوم نہیں ہے،یادرہے کہ 23 فروری کوبھی ترک لڑاکا طیاروں نے اربیل کے شمال میں واقع سدکان کے علاقے میں روسور کے علاقے میرکے حوش پر بمباری کی۔
قابل ذکر ہے کہ ترکی نے اپنی سرحد کے قریب واقع صوبہ دہوک کے العمادیہ شہر پر PKK کی فورسز کی موجودگی کے بہانے قبضہ کررکھاہے اور آئے دن اس علاقے پر بمباری کرتا رہتا ہے جس سے شہریوں کو بڑے پیمانے پر نقصان پہنچا ہے۔ شمالی عراق پر ترکی کے حملوں نے بہت سے باشندوں کو ہجرت کرنے پر مجبور کیا ہے جس کے بعد انھوں جنگ کو رہائشی علاقوں سے دور رکھنے کامطالبہ کیا ہے، تاہم ترکی نے اس پر کوئی توجہ نہیں دی ہے اور حملے جاری ہیں جس کے باعث یہاں کی عوام میں ترکی کے خلاف شدید غم وغصہ پایا جاتا ہے۔