افغان عوام کا امریکہ کے خلاف احتجاجی مظاہرہ

?️ 13 فروری 2022

سچ خبریں:امریکہ کے ہاتھوں افغانستان کے اثاثے ضبط کرنے کے خلاف اس ملک کے عوام نے احتجاج کرتے ہوئے امریکی اس کاروائی کو افغانستان کے غریب عوام پر ڈاکہ قرار دیا اور فوری طور پر اپنے ملک کے اثاثوں کو جاری کرنے کا مطالبہ کیا۔
امریکی صدر جو بائیڈن کے نائن الیون کے متاثرین کے لیے افغان زرمبادلہ کے وسائل کو ضبط کرنے کے فیصلے کے اعلان کے بعد ہفتے کو کابل میں متعدد افراد نے احتجاج کیا اور امریکہ مردہ باد کے نعرے لگائے،مظاہرین نے امریکی فیصلے کو افغانستان کے غریب عوام پر ڈاکہ قرار دیتے ہوئے اس کی مذمت کی اور امریکا سے افغان عوام کو رقم واپس کرنے کا مطالبہ کیا۔

مظاہرین نے جوبیدان سے بھی مطالبہ کیا کہ وہ اپنا فیصلہ واپس لیں اور روکی ہوئی رقم افغان عوام کو واپس کریں،افغان نیشن پارٹی کے سکریٹری جنرل جعفر مہدوی نے امریکی صدر کے اس اقدام پر ردعمل میں کہا کہ امریکی حکومت نے اس واقعے (11 ستمبر) کی وجہ سے افغان عوام کی رقم ضبط کر لی ہے جس میں کوئی افغان باشندہ ملوث نہیں تھا، اس کی واضح مثال حکومتی لوٹ مار ہے۔

انہوں نے عالمی برادری، بین الاقوامی انسانی حقوق کی تنظیموں اور دنیا بھر کے افغان عوام سے مطالبہ کیا کہ وہ اس صریح چوری کے خلاف خاموش نہ رہیں، اور طالبان حکومت سے مطالبہ کیا کہ وہ افغانوں کی املاک کی واپسی کے لیے تمام قانونی اور سیاسی وسائل استعمال کرے۔