سچ خبریں: صیہونی ذرائع ابلاغ کے ذرائع نے اعلان کیا کہ اس حکومت کی تیل صاف کرنے والی سب سے بڑی کمپنی کی ویب سائٹ حالیہ دنوں میں ایران سے منسوب گروہ کے سائبر حملے کا شکار ہوئی۔
صیہونی ذرائع ابلاغ کے ذرائع نے اطلاع دی ہے کہ اس حکومت کی تیل صاف کرنے والی سب سے بڑی کمپنی ادارہ بازان گروپ کی ویب سائٹ گزشتہ دنوں ایک سائبر حملے کی وجہ سے پہنچ سے باہر رہی ہے۔
یہ بھی پڑھیں: موساد وسیع ترین سائبر حملے کا شکار
جائزوں سے پتہ چلتا ہے کہ یہ ویب سائٹ اب سے 3 گھنٹے پہلے تک مقبوضہ فلسطین کے اندر قابل رسائی نہیں ہے،یہ ایک ایسا مسئلہ ہے جس سے ظاہر ہوتا ہے کہ صیہونی حکومت غالباً جیو بلاکنگ کے طریقے سے اس حملے کا مقابلہ کرنے کی کوشش کر رہی ہے۔
انرجی پورٹل ڈیٹا بیس نے اطلاع دی ہے کہ جب صارفین اس اسرائیلی آئل ریفائننگ کمپنی کی ویب سائٹ پر جاتے ہیں تو انہیں سرورز کی جانب سے جواب نہ دینے یا ٹائم آؤٹ جیسے پیغامات کا سامنا کرنا پڑتا ہے۔
خبر رساں ذرائع نے دعویٰ کیا ہے کہ یہ حملہ سائبر ایونجرز ہیکر گروپ نے کیا ہے جو اسلامی جمہوریہ ایران کی حمایت کرتا ہے،ٹیلی گرام سوشل نیٹ ورک پر ایک پیغام میں اس ہیکر گروپ نے اس سائبر حملے کی ذمہ داری قبول کرتے ہوئے کہا کہ وہ اس کمپنی کو اب تک کافی نقصان پہنچانے میں کامیاب ہو چکا ہے۔
مزید پڑھیں: صیہونی جاسوسی تنظیم سائبر حملے کا شکار
یاد رہے کہ حیفا شہر میں واقع بازان کمپنی کی سالانہ آمدنی 13.5 بلین ڈالر سے زیادہ ہے اور یہ 1800 سے زیادہ افراد اس میں کام کرتے ہیں، اس کمپنی کا دعویٰ ہے کہ یہ ہر سال تقریباً 9.8 ملین ٹن خام تیل صاف کرنے کی صلاحیت رکھتی ہے۔
واضح رہے کہ سائبر ایونجرز گروپ نے بازان کمپنی کی ویب سائٹ کے ڈیٹا کلیکشن اینڈ مینجمنٹ سسٹم یا SCADA کی تصاویر شائع کی ہیں، SCADA سے مراد وہ سافٹ ویئر پروگرام ہیں جو صنعتی کنٹرول سسٹم کی نگرانی اور چلانے کے لیے استعمال ہوتے ہیں۔
صیہونیوں کی کمزوری۔
یہ حملہ صیہونی حکومت کی سائبر حملوں کا مقابلہ کرنے میں کمزوری کی ایک نئی مثال ہے،اس حکومت کے مختلف ادارے گزشتہ مہینوں میں متعدد بار مختلف گروہوں کے سائبر حملوں کا نشانہ بن چکے ہیں،فی الحال سیکورٹی ماہرین تل ابیب کے سیکورٹی نظام اور اداروں کے خلاف سائبر حملوں کو صیہونی ریاست کے لیے وجودی خطرہ سمجھتے ہیں۔
1000 تباہ کن حملے
صیہونی حکومت کے ایک اعلیٰ عہدیدار نے چند ماہ قبل سرکاری اعدادوشمار پیش کرتے ہوئے اعلان کیا تھا کہ گزشتہ سال تل ابیب نے ایک ہزار سے زائد سائبر حملوں کو بے اثر کیا ہے جو اس حکومت کی معیشت کو مفلوج کر سکتے ہیں۔
نقصانات کے بارے میں رازداری
اس صیہونی اہلکار کے دعوے ایسے وقت میں شائع ہوئے ہیں جب سائبر حملوں کے نقصانات کے حوالے سے قابض حکومت کی رازداری کے کچھ پہلو سامنے آئے ، کچھ عرصہ قبل عبرانی میڈیا نے خبر دی تھی کہ ایک سال تک مقبوضہ علاقوں میں حساس سکیورٹی کیمروں کا کنٹرول عصائے موسی ہیکر گروپ کے پاس رہا ہے۔
عصائے موسی گروپ کی کاروائیاں
تقریباً ایک سال قبل عصائے موسی نامی ہیکر گروپ نے اپنے ٹیلی گرام چینل پر حیفا میں رافیل ہتھیاروں کی فیکٹری کے اطراف کی تصاویر کے ساتھ ساتھ مقبوضہ بیت المقدس کی تمام گلیوں کی تصاویر بھی شائع کی تھیں۔
سوڈان کے انانیموس گروہ کی کاروائیاں
انانیموس کے نام سے مشہور سوڈان کا ہیکر گروپ ان دیگر گروہوں میں سے ایک ہے جس نے گزشتہ مہینوں میں صیہونی حکومت کے خلاف کامیاب سائبر کاروائیاں کی ہیں۔
