روس یوکرائن کشیدگی نیٹو کی پیداوار ہے:ایران

?️ 25 فروری 2022

سچ خبریں:ایران کا کہنا ہے کہ روس اوریوکرائن کے درمیان پیدا ہونے والی کشیدگی اور بحران نیٹو کی اشتعال انگیزیوں کی وجہ سے ہے۔
روس اور یوکرین کے درمیان جاری لڑائی کے بارے میں اپنے تازہ ٹوئٹ میں ایران کے وزیر خارجہ حسین امیر عبداللہیان نے لکھا ہے کہ وہ جنگ کو کسی بھی مسئلے کا حل نہیں سمجھتے، انہوں نے لکھا کہ جنگ بندی کا قیام نیز سیاسی اور جمہوری راہ حل پر توجہ مرکوز کرنا وقت کی اہم ترین ضرورت ہے۔

ادھر ایران کے وزارت خارجہ کے ترجمان سعید خطیب زادے نے کہا کہ ایرانی وزیر خارجہ حسین امیر عبداللہیان نے کیف میں ایرانی سفیر سے ٹیلی فون پر بات چیت کرکے انہیں ایرانی شہریوں اور طالب علموں کے حوالے سے خصوصی ہدایات دی ہیں۔

انہوں نے بتاکہ بحران کے آغاز ہی میں ایران کی وزارت خارجہ نے کرائسس سیل قائم کردیا تھا، ایران کی وزارت خارجہ کے ترجمان نے بتایا کہ وزیر خارجہ نے سفیر کو ہدایت کی ہے کی ہنگامی صورتحال کے پیش نظر ایرانی شہریوں کو چوبیس گھنٹے خدمات فراہم کی جائیں،انہوں نے کہا کہ ہنگامی صورتحال کو دیکھتے ہوئے، ایرانی شہریوں کے انخلا کے لیے تمام لازمی اقدامات عمل میں لائے جائیں۔

یادرہے کہ یوکرائن بحریان کے شدت اختیار کر جانے کے بعد ایران کے وزیر خارجہ نے یہ دوسری بار سفیر ایران سے ٹیلی فون پر رابطہ اور ضروری ہدایات جاری کی ہیں۔