اپنے بیٹے سے مار کھانے والے وزیر اعظم 

سچ خبریں:صہیونی پارلیمنٹ کی ایک نمایندہ نے قابض وزیر اعظم بنیامین نیتن یاہو کے بارے میں ایک ایسا انکشاف کیا ہے جس نے پورے صہیونی پارلیمنٹ کو ہلا کر رکھ دیا۔ 

صہیونی پارلیمنٹ کی نمایندہ نعمہ لازیمی نے اپنے ایک اجلاس کے دوران کہا کہ کیوں سارہ نیتن یاہو کے امریکہ جانے کی تمام اخراجات کو سرکاری خزانے سے ادا کیا جانا چاہیے؟

یہ بھی پڑھیں:نیتن یاہو اور اس کے بیٹے کے درمیان شدید مارپیٹ؛باپ کا گلا گھوٹنے کی کوشش

 اس کے بعد انہوں نے مزید کہا کہ یائیر نیتن یاہو ، جو میامی میں مقیم ہیں، کی سیکیورٹی کی فیس بھی عوامی پیسوں سے ادا کی جا رہی ہے اور یہ رقم ریاستی بجٹ میں شامل ہے۔

لازیمی نے اس بات کا انکشاف کیا کہ یائیر نیتن یاہو کو اس وجہ سے بیرون ملک سفر کرنا پڑا کیونکہ اس نے اپنے والد، وزیر اعظم بنیامین نیتن یاہو کو مارا تھا۔

 اس انکشاف کے بعد اسرائیلی اخبار "ٹائمز آف اسرائیل” کے مطابق، دیگر پارلیمنٹ ارکان اس بیان پر شدید حیرت کا شکار ہوگئے، لازیمی نے اس بات کی تصدیق کی کہ ہاں، یہ سچ ہے یائیر کو اپنے والد کو مارنے کے بعد ملک سے باہر بھیج دیا گیا ہے۔

اس انکشاف پر حزب لیکوڈ جو بنیامین نتانیاہو کی قیادت میں ہے، نے لازیمی کی باتوں کی تردید کی اور انہیں دھمکی دی کہ وہ اس کے لیے جوابدہ ہوں گے۔

مزید پڑھیں: نیتن یاہو کے بیٹے کی نظر میں صیہونی ریاست میں کیسی جمہوریت ہے؟

یہ انکشاف اسرائیل کی سیاست میں مزید کشیدگی کا سبب بن سکتا ہے اور پالیسی سازوں کے درمیان عوامی سطح پر شکوک و شبہات کو جنم دے سکتا ہے۔