روسی سکیورٹی اہلکاروں کے ہاتھوں ماسکو میں داعش کی دہشت گردانہ کاروائی ناکام

🗓️ 1 جولائی 2021

سچ خبریں:اسپوٹنک نیوز ایجنسی کی رپورٹ کے مطابق روس کی فیڈرل سکیورٹی سروس نے جمعرات کے روز اعلان کیا کہ روسی سکیورٹی فورسز نے ماسکو اور آسٹراخان کے علاقے میں داعش کے ممبروں کے ذریعے کی جانے والی دہشت گردی کی کاروائیوں کو ناکام بنا دیا ہے۔

روس کی فیڈرل سکیورٹی سروس (ایف ایس بی) نے اعلان کیا ہے کہ داعش کے ممبروں کو آج دہشت گرد کاروائیوں کی تیاری سے روک دیا گیا ، دو روسی شہریوں نے دہشت گرد گروہ کے رہنماؤں کے حکم پر ماسکو اور آسٹراخان کے باشندوں کی بھیڑ والی جگہوں پر حملہ کرنے کے لئے بیک وقت آتشیں اسلحہ استعمال کرنے کا منصوبہ بنایا۔

واضح رہے کہ جس دہشتگرد کو آسٹراخان میں دہشت گردی کا آپریشن کرنا تھا اس گرفتار کیےجانے کے دوران مسلح مزاحمت کی جس کے نتیجے میں وہ ہلاک ہوگیاجبکہ دوسرے دہشتگردکو ماسکو میں گرفتار کیا گیا ہے۔