دمشق میں ایک فوجی بس کے راستے میں دو دھماکے

?️ 20 اکتوبر 2021

سچ خبریں:میڈیا ذرائع نے اطلاع دی ہے کہ دمشق کے الرائیس پل پر شامی فوجی بس کے راستے میں دو دھماکے ہوئے جس میں کم از کم 13 افراد شہید ہوئے۔
المیادین چینل کی رپورٹ کے مطابق میڈیا ذرائع نے دو شامی فوجی بسوں کے روٹ پر دو دھماکوں کی اطلاع دی،رپورٹ کے مطابق نیوز میڈیا نے دمشق کے الرئیس پل پر دو دھماکوں کی اطلاع دی۔

الاخباریہ السوریا نے اطلاع دی ہے کہ ان دھماکوں میں متعدد افراد ہلاک اور زخمی ہوئے ہیں،شامی ذرائع کے مطابق خصوصی فوجی دستوں نے الرائیس پل پر دھماکے کے مقام پر نصب تیسرے بم کو دریافت کرکے ناکارہ بنا دیا۔

ابتدائی اعدادوشمار کے مطابق دھماکوں میں کم از کم 13 افراد شہیداور تین زخمی ہوئے ہیں۔