جنگ کے بعد صہیونیوں کے لیے سب سے بڑا خطرہ

سچ خبریں:13 جون 2025 کو ایران پر صہیونی حملے کے بعد اسرائیل شدید نفسیاتی، سماجی اور اقتصادی بحران کا شکار ہو چکا ہے، جہاں ہزاروں صہیونی باشندے واپس ہجرت کرتے ہوئے یورپ فرار کر چکے ہیں، جسے ماہرین اسرائیل کے لیے خطرناک ترین چیلنج قرار دے رہے ہیں۔

13 جون 2025 کو جب اسرائیل نے اسلامی جمہوریہ ایران پر جارحیت کا آغاز کیا، تب سے ایک نیا اور خطرناک بحران خود اسرائیلی سماج کے اندر جنم لے چکا ہے جو واپس ہجرت ہے ۔

یہ بھی پڑھیں:اسرائیل نے ایران کے سامنے ہتھیار ڈال دیے ؛نیتن یاہو کو جنگ بندی پر مجبور ہونا پڑا

عبرانی اخبار ٹائمز آف اسرائیل کے مطابق، ایران کے شدید اور بے مثال جوابی میزائل حملوں کے بعد صہیونی معاشرے میں ایک نفسیاتی وبا پھیل چکی ہے۔ ہزاروں اسرائیلی باشندے ذہنی، روحی اور مالی دباؤ کے باعث فرار پر آمادہ ہو چکے ہیں، اور ملک میں رہنے کو ناقابل برداشت قرار دے رہے ہیں۔

ایرانی میزائلوں نے تل ابیب، حیفا، کریات شمونا اور سدیروت جیسے بڑے شہروں کو نشانہ بنایا، جس سے نہ صرف جانی و مالی نقصان ہوا، بلکہ خوف و وحشت کی لہر پورے اسرائیل میں دوڑ گئی۔ ورلڈ ہیلتھ آرگنائزیشن نے بھی صہیونی عوام میں نفسیاتی بحران کے بڑھتے خطرے پر انتباہ جاری کیا۔

یسرائیل ہیوم نے رپورٹ دی کہ جنگ کے پہلے ہفتے میں ہی 50 ہزار سے زائد صہیونی باشندے اسرائیل سے فرار ہو چکے ہیں۔ یہ 2006 کی لبنان جنگ کے بعد اب تک کی سب سے بڑی مهاجرتِ معکوس تصور کی جا رہی ہے۔

جروزالم پوسٹ کے مطابق، امیر صہیونی خاندانوں نے یونان اور اٹلی میں پناہ لی، جبکہ قبرص نے 3 دن میں 3 ہزار نئے صہیونی پناہ گزینوں کو قبول کیا۔

قبرص کی حکومت نے خوراک و سروسز پر پڑنے والے دباؤ پر تشویش کا اظہار کیا ،۔ کئی اسرائیلیوں نے تو قبرص میں ویزا مسائل کے باعث گرفتاری کو بھی ایران کے میزائلوں سے بہتر سمجھا۔

یدیعوت احرونٹ نے انکشاف کیا کہ فلائٹ سسٹم کے معطل ہونے کے باعث زمینی فرار کا راستہ مشکل ہو چکا ہے، اور ٹکٹ کی قیمتیں 10 گنا تک بڑھ چکی ہیں۔

ایک بڑا تنازعہ مصری سرحد کے کھلنے پر بھی پیدا ہوا، جو صہیونیوں کو فرار کی اجازت دے رہی ہے، جبکہ غزہ کے فلسطینی باشندوں پر وہی سرحد بند ہے۔

صہیونی عربوں (عرب 1948) کو میزائل حملوں کے دوران کئی علاقوں میں پناہ گاہوں میں داخلے سے روکا گیا۔ ہاآرتص کے مطابق، یہ نسلی امتیاز شدید سماجی کشیدگی کو ہوا دے رہا ہے۔

صہیونی تجزیہ کاروں کے مطابق، 2023 سے اسرائیل میں دماغوں کی فرار کی ایک خطرناک لہر جاری ہے۔

2023 میں تقریباً 55 ہزار افراد نے اسرائیل چھوڑا، جبکہ 2024 میں یہ تعداد 82 ہزار سے تجاوز کر گئی۔

Ci Marketing کے ایک مطالعے کے مطابق، جو لوگ اسرائیل میں موجود ہیں، ان میں سے بھی 40 فیصد ملک چھوڑنے کا ارادہ رکھتے ہیں۔

مزید پڑھیں:نیتن یاہو نے خوف اور کمزوری کے باعث جنگ بندی قبول کی:یمن نیوز

ماہرین کا کہنا ہے کہ یہ سلسلہ 10 برس قبل شروع ہوا، لیکن اب اس میں تیزی آ چکی ہے۔ صرف غزہ بحران نہیں، بلکہ سماجی، نسلی اور سیاسی تقسیم بھی اسرائیلی معاشرے کو اندر سے کھوکھلا کر رہی ہے۔