نیتن یاہو نے خوف اور کمزوری کے باعث جنگ بندی قبول کی:یمن نیوز

سچ خبریں:یمن نیوز نے انکشاف کیا ہے کہ اسرائیل نے ایران کے تاریخی جوابی حملوں کے بعد پہلی بار خوف اور ضعف کی حالت میں جنگ بندی قبول کی۔ کابینہ میں ہنگامی اجلاس، میڈیا بلیک آؤٹ، اور اندرونی اعترافات سب بتاتے ہیں کہ تل ابیب دفاعی پوزیشن میں جا چکا ہے۔

یمن نیوز کی رپورٹ کے مطابق، اسرائیلی وزیرِاعظم بنیامین نیتن یاہونے ایران کی جانب سے تباہ کن میزائل حملوں کے بعد خوف، کمزوری، اور ممکنہ شکست کے پیش نظر جنگ بندی کی پیشکش کو قبول کر لیا ہے، اس بار، اسرائیل نے تاریخ میں پہلی مرتبہ حملوں کا نشانہ بننے کے بعد خویشتن داری اختیار کی ہے اور باضابطہ طور پر ردعمل سے گریز کیا ہے۔

یہ بھی پڑھیں:اسرائیل نے ایران کے سامنے ہتھیار ڈال دیے ؛نیتن یاہو کو جنگ بندی پر مجبور ہونا پڑا

رپورٹ کے مطابق، ڈونلڈ ٹرمپ کی طرف سے جنگ بندی کی تجویز آنے کے بعد، اسرائیلی میڈیا نے صبح سویرے اس پر اپنا موقف جاری کیا، اس سے قبل، ایران کے حالیہ حملوں نے اسرائیل کے مختلف شہروں میں شدید جانی و مالی نقصان پہنچایا تھا۔

تل ابیب میں ہونے والے کابینہ کے ہنگامی سیکیورٹی اجلاس کے دوران، نیتن یاہونے وزراء سے کہا کہ وہ اس موضوع پر کسی قسم کا بیان جاری نہ کریں۔ یہ خاموشی اس بات کی عکاس ہے کہ اسرائیل دفاعی اور کمزور پوزیشن میں ہے۔

یمن نیوز کے مطابق، آتش بس پر رضامندی ایران کے جوابی آپریشن وعدہ صادق 3 کے بعد سامنے آئی، جس میں اہم تنصیبات کو نشانہ بنایا گیا۔ اس کے بعد اسرائیل کو خدشہ لاحق ہوا کہ اگر جنگ جاری رہی تو موجودہ جنگ بندی بھی فروپاش ہو سکتی ہے۔

مزید پڑھیں:ایران اسرائیل جنگ میں امریکی مداخلت عالمی جنگ کا باعث بنے گی۔ لیاقت بلوچ

رپورٹ میں کہا گیا ہے کہ گذشتہ 13 دنوں میں اسرائیل کو جس طرح کی میزائل بارش کا سامنا کرنا پڑا، وہ اسرائیلی تاریخ میں بے مثال ہے۔ کئی صہیونی رہنماؤں نے اعتراف کیا ہے کہ انہوں نے ایران سے جنگ چھیڑ کر سنگین اسٹریٹجک غلطی کی۔