داعش کی وحشیانہ فلمیں بنانے والے کو عمر قید کی سزا

?️ 30 جولائی 2022

سچ خبریں:داعش کے وحشیانہ کلپس اور ویڈیوز بنانے والے محمد خلیفہ کو اس دہشت گرد گروہ کے وحشیانہ جرائم کو فروغ دینے اور پھیلانے کے جرم میں عمر قید کی سزا سنائی گئی ہے۔
رشیا ٹوڈے کی ویب سائٹ کے مطابق امریکی محکمہ انصاف نے ایک بیان جاری کرتے ہوئے اعلان کیا ہے کہ داعش کے جرائم کے کلپس اور ویڈیوز بنانے والے محمد خلیفہ کو اس دہشت گرد گروہ کے وحشیانہ جرائم کو فروغ دینے اور پھیلانے کے جرم میں عمر قید کی سزا سنائی گئی ہے۔

واضح رہے کہ محمد خلیفہ سعودی نژاد کینیڈین شہری ہیں، داعش کے ہاتھوں قتل، سر قلم کیے جانے کی فلمیں تیار کرنے اور پروڈیوس کرنے کے علاوہ، اس پر اس دہشت گرد گروہ کی مالی معاونت میں حصہ لینے کا الزام ہے۔

امریکی اٹارنی جنرل نے خلیفہ کو داعش دہشت گرد گروہ کے ڈھانچے میں ایک اہم شخصیت قرار دیا ہے اور انہیں اس دہشت گرد گروہ کا اہم پروپیگنڈہ ایجنٹ قرار دیا ہے، امریکی پراسیکیوٹر آفس نے داعش دہشت گرد گروہ کے اس رکن کے لیے عمر قید کو ایک معقول اور مناسب سزا قرار دیا ہے۔

واضح رہے کہ امریکہ نے داعش کے اس رکن کو عمر قید کی سزا ایسی حالت میں سنائی ہے جب ہلیری کلنٹن سمیت اسی ملک کے اعلیٰ سیاسی عہدیداروں کے مطابق خود امریکہ داعش کی تشکیل کا سبب بنا تھا۔