سچ خبریں:الحشد الشعبی کے سربراہ نے اس تنطیم کو ملکی امن کی ضامن قرار دیتے ہوئے اسے عراق کو خانہ جنگی کی طرف جانے سے روکنے کا باعث قرار دیا۔
عراقی الحشد الشعبی کے سربراہ نے کہا کہ یہ فورسز اپنے قیام کے بعد سے عراق کی حمایت میں ایک مثبت عنصر رہی ہیں اور الحشد الشعبی فورسز اس ملک کو خانہ جنگی کی طرف جانے سے روکنے میں اپنا کردار ادا کرتی ہیں،فلاح الفیاض نے المیادین کے ساتھ گفتگو میں تاکید کی کہ الحشد الشعبی داخلی امن کی ضامن ہے اور اس نے عراق میں خانہ جنگی کی طرف پیش قدمی کو روکا ہے نیز کسی بھی اندرونی سیاسی تنازع میں تیسرے فریق کے طور پر کام کر رہی ہے اور عراق کی خودمختاری کی حمایت کرتی ہے۔
عراق میں داعش کی موجودگی کے بارے میں انہوں نے کہا: کہ بیرونی جماعتیں دہشت گردی کی حمایت کرتی ہیں جبکہ داعش کا خطرہ ٹل گیا ہے اور اب اس سے اندرونی سلامتی اور امن کو کوئی خطرہ نہیں ہے،سیاسی جماعتوں کی پختگی اور اقتدار اعلیٰ کے وجود کی وجہ سے عراق میں شیعوں کے درمیان اندرونی کشمکش کو مسترد کرتے ہوئے الفیاض نے مزید کہا کہ الحشد الشعبی فریقین کے درمیان سیاسی مذاکرات چاہتی ہے اور عراق کے استحکام اور خودمختاری کی حمایت کرتی ہے
اس عراقی عہدہ دار نے کہا کہ الحشد الشعبی سیاسی تنازعات میں نہیں پڑتی لیکن اہم مسائل بالخصوص صیہونی حکومت کے ساتھ تعلقات کو معمول پر لانے کی مخالفت میں اس کا نظریہ اٹل ہے۔