حماس کا عرب اور اسلامی ممالک سے مطالبہ

🗓️ 27 جون 2023

سچ خبریں: تحریک حماس نے صیہونی حکومت کی جانب سے مغربی کنارے میں ​​نئی بستیوں کی تعمیر کے منصوبے کی منظوری کو فلسطینی قوم کے خلاف واضح جارحیت قرار دیا۔

مرکزاطلاعات فلسطین کی رپورٹ کے مطابق تحریک حماس نے ایک بیان جاری کرتے ہوئے اعلان کیا ہے کہ صہیونی حکام کی جانب سے مغربی کنارے میں 6 ہزار نئے رہائشی یونٹس کی تعمیر کے منصوبے کی منظوری پر مبنی اقدام فلسطینی قوم اور اس سرزمین کے خلاف واضح جرم اور جارحیت ہے۔

مزید:فلسطین کی جنگ عالم اسلام کی جنگ ہے:خالد مشعل

اس بیان میں کہا گیا ہے کہ صیہونی حکومت کا یہ فیصلہ ہمارے انقلاب کو مزید تابناک بنائے گا اور غاصبوں کے ہاتھوں سے آزاد ہونے کی ہماری مزاحمت پہلے سے زیادہ مضبوط ہو گی۔

مزاحمت کے ذریعے ہم اپنی سرزمین کو حملہ آوروں کے وجود سے پاک کرنے کی کوشش کرتے رہیں گے، بیان میں تاکید کی گئی ہے کہ حالیہ مہینوں میں مغربی کنارے کے دیہاتوں اور شہروں کے خلاف صیہونی آبادکاروں کے وحشیانہ حملوں میں اضافے اور فلسطینیوں کے گھروں کی تباہی کے ساتھ ساتھ اس منصوبے کی منظوری سے فلسطینی گروہوں کے درمیان اتحاد میں اضافہ ہوگا۔

حماس نے اپنے بیان میں کہا ہے کہ دنیا بھر کی عرب اور اسلامی اقوام اور آزاد عوام کو چاہیے کہ وہ صیہونی قبضے کے خلاف، صیہونیوں کی مکمل تباہی اور فلسطینی سرزمین کی آزادی تک ان کی ضروری حمایت کریں۔

واضح رہے کہ صہیونی غاصب فلسطینیوں کی آبادی پر تسلط قائم کرنے کے لیے حالیہ دہائیوں میں بستیوں کی تعمیر کے حربے کو استعمال کرتے رہے ہیں لیکن اس کے باوجود وہ اپنے مقاصد حاصل کرنے میں ناکام رہے ہیں۔

یہ بھی:استقامتی محاذ کو مضبوط کرنے میں ایران، شام اور حزب اللہ کا اہم کردار ہے:حماس

چند روز قبل صیہونی قومی سلامتی کے وزیر نے صیہونی بستی جفعات افیتار کے تعمیراتی عمل کے دورے کے دوران دہشت گردانہ اور اشتعال انگیز بیان دیتے ہوئے ایک بار پھر مغربی کنارے میں فلسطینیوں کے قتل عام اور ان کے گھروں کی تباہی کی حمایت کی۔