حماس کا ایران اور سعودی عرب کے بارے میں اہم بیان

?️ 4 جولائی 2021

سچ خبریں:حماس کے نائب سربراہ نے اسلامی جمہوریہ ایران کے ساتھ اس تحریک کے تعلقات کو مضبوط ، دیرینہ اور مستقل قرار دیتے ہوئے اس بات پر زور دیا کہ یہ تحریک قابضین کے علاوہ سعودی عرب سمیت تمام ممالک اور حکومتوں کے ساتھ اچھے تعلقات کی خواہاں ہے۔
حماس کے رہنما اسماعیل ہنیہ کے نائب خلیل الحیه نے عرب 21 کے ساتھ ایک خصوصی انٹرویو میں ، جو کچھ دن قبل شائع ہوا تھا ، کہا کہ اس تحریک کے ایران کے ساتھ دیرینہ ، مضبوط اور مستقل تعلقات ہیں اور اس نے انھیں برقرار رکھا ہے نیز یہ تعلقات گذشتہ ایک سال کے دوران کم نہیں ہوئے ہیں جبکہ لبنان میں حزب اللہ کے ساتھ بھی اس کے اچھے تعلقات ہیں۔

انہوں نے مزید کہا کہ حماس سب کے ساتھ اچھے تعلقات قائم رکھنے کی خواہشمند ہے کیونکہ ہمارے پاس اضافی وقت نہیں ہے، سعودی عرب کے ساتھ تعلقات کے بارے میں الحیہ نے کہا کہ ہم سعودی عرب اور دنیا کے دوسرے ممالک کے ساتھ اچھے تعلقات قائم کرنے کی کوشش کر رہے ہیں، حماس کے عہدیدار نے اس تحریک سے وابستہ ہونے کے الزام میں سعودی عرب میں مقیم بڑی تعداد میں فلسطینیوں کی گرفتاری کے ساتھ ساتھ سعودی عرب میں اس تحریک کے سرکاری نمائندے جو سعودی حکام کی سرکاری رضامندی سے ریاض میں تھے، کی گرفتاری کا ذکر کرتے ہوئے کہا کہ بسا اوقات ریاض اور حماس کے درمیان تعلقات غیر مستحکم ہوجاتے ہیں جس کی وجہ سعودی عرب کا ہمارے ساتھ برتاؤ ہے ،اس میں ہماری کوئی غلطی نہیں ہے۔

انھوں نے اس سوال کے جواب میں کہ بین الاقوامی سطح حماس کے لئے پیدا ہونے والی پر کھلی جگہ کے نتیجے میں کیا ایران کے ساتھ تحریک کے تعلقات میں بہتری آئی ہے؟،کہا کہ ہمارے ایرانی بھائیوں کے ساتھ تعلقات مضبوط ، دیرپا اور مستقل ہیں نیز حماس تحریک سب کے ساتھ اچھے تعلقات کی خواہاں ہے، ہمیں فلسطینی عوام کے لئے ہر طرح کی حمایت کو ایک ایسی صورتحال میں متحرک کرنا ہے جہاں ان کے حقوق کو نظرانداز کیا جارہا ہو،اس مقصد کے لئے ہمارے ایران کے ساتھ مضبوط تعلقات ہیں اور ہم فلسطینی مقصد اور مزاحمت کی خدمت کے لیےان کو وسعت دینے اور مستحکم کرنے کی کوشش کر رہے ہیں۔

خلیل الحیہ نے سعودی عرب کے ساتھ تعلقات کے بارے میں کہا کہ ہم سعودی عرب کے ساتھ اچھے تعلقات رکھنے کی کوشش کرتے ہیں،تاہم کبھی کبھی ان تعلقات میں عدم استحکام آسکتا ہےلیکن یہ سعودیوں کے طرز عمل کی وجہ سے ہے اس میں حماس کی کوئی غلطی ن نہیں۔

غزہ میں حماس کے دفتر کے نائب سربراہ نے سعودی عرب میں فلسطینیوں کی نظربندی کے خاتمے کی کوششوں کے بارے میں پوچھے جانے پر کہاکہ ہم نے کچھ ممالک اور ثالثین کے ساتھ بہت سے رابطے کیے ہیں اور سعودی عرب میں بہت سے سرکاری اور غیر سرکاری عہدیداروں سے بات چیت کی ہےکہ اس ملک میں قید حماس کے اراکین کو آزاد کر دیا جائے، انہوں نے مزید کہا ہم سعودی بھائیوں سے مطالبہ کرتے ہیں کہ وہ ہمارے خلاف توہین آمیز کیس کو ختم کریں۔

الحیہ نے کہا کہ سعودی عرب میں قید فلسطینی مہمان تھے جنہوں نے سعودی عرب کو کوئی نقصان نہیں پہنچا اور نہ ہی ان سے اس کی سلامتی کو کوئی خطرہ پہنچا ، ہم ان کی جلد رہائی کی امید کرتے ہیں۔