جنوبی کوریا اور امریکہ کی مشترکہ فوجی مشقوں پر شمالی کوریا کا ردعمل

🗓️ 20 مئی 2023

سچ خبریں:شمالی کوریا نے ایک بیان جاری کر کے واشنگٹن اور سیول کے درمیان اگلے ہفتے دونوں کوریا کی سرحد پر ہونے والی بڑی مشترکہ فوجی مشق کی مذمت کی ہے۔

آر ٹی ویب سائٹ کی رپورٹ کے مطابق شمالی کوریا نے ایک بیان جاری کر کے امریکہ اور جنوبی کوریا کے درمیان اگلے ہفتے دونوں کوریا کی سرحد پر ہونے والی مشترکہ فوجی مشق کی مذمت کی ہے،رپورٹ کے مطابق شمالی کوریا کے سرکاری ٹیلی ویژن نے پیانگ یانگ کے حکام کے حوالے سے اعلان کیا کہ امریکہ اور جنوبی کوریا کے درمیان دونوں کوریاؤں کے قریب ہونے والی بڑی مشترکہ مشقیں جزیرہ نما دونوں کوریاؤں اور خطہ کی سلامتی اور امن کے لیے ایک نیا خطرہ ہوں گی۔

پیانگ یانگ نے ایک بیان میں کہا کہ ہم دشمن کی تمام دشمنی اور دھمکی آمیز فوجی نقل و حرکت کی بغور نگرانی کر رہے ہیں،یاد رہے کہ شمالی کوریا نے اس سے قبل واشنگٹن اور سیول کو اپنی سرحدوں کے قریب مشقوں کے انعقاد کے خلاف خبردار کیا تھا اور اعلان کیا تھا کہ موجودہ خطرناک صورتحال اور مستقبل کے خطرات کے جواب میں، اپنے دفاع کے لیے تمام ہتھیاروں کے استعمال کا حق جائز اور علاقائی خودمختاری کے مطابق ہے۔

یاد رہے کہ جنوبی کوریا کی وزارت دفاع نے اپنے بیان میں کہا کہ اس مشق میں پانچ مشترکہ مشقیں 25 مئی سے 15 جون کے درمیان سیول کے شمال مشرق میں 32 میل دور ایک علاقے میں منعقد کی جانی ہیں۔