سچ خبریں:عالمی کیتھولک کے رہنما پوپ فرانسس نے تھکاوٹ اور جسمانی وجوہات کی بنا پر اپنے استعفیٰ کے امکان کا اعلان کیا۔
ٹاس کے مطابق، ویٹیکن نیوز پورٹل کے ساتھ ایک انٹرویو میں فرانسس نے عمومی طور پر اس بارے میں کہا کہ وہ چیزیں جو ان کو مستعفی ہونے پر مجبور کر رہی ہیں کہ تھکاوٹ، جس کی وجہ سے آپ چیزوں کو واضح طور پر نہیں دیکھ پاتے۔ شفافیت کا فقدان اور حالات کا درست اندازہ لگانے میں ناکامی ہے۔
انہوں نے اس بات پر بھی زور دیا کہ اگر وہ بہت تھک گئے ہیں اوراگراپنا کردار ادا نہ کر سکے تو وہ اس عہدے سے مستعفی ہو جائیں گے۔
پوپ فرانسس، جو اب 86 سال کے ہیں پہلے کہہ چکے ہیں کہ 2013 میں پوپ بینیڈکٹ XVI کے استعفیٰ نے پوپوں کے استعفیٰ کی راہ ہموار کی۔
تاہم، پوپ فرانسس نے گزشتہ فروری میں کہا تھا کہ پوپ کو روایتی طور پر تاحیات خدمت کرنی چاہیے اور پوپ کی ریٹائرمنٹ کو رواج نہیں بننا چاہیے۔
پوپ بینیڈکٹ XVI نے بڑھاپے اور صحت کے مسائل کی وجہ سے 2013 میں استعفیٰ دے دیا، وہ 600 سالوں میں ویٹیکن سے مستعفی ہونے والے پہلے پوپ بن گئے۔
پوپ بینیڈکٹ XVI کیتھولک چرچ کی تاریخ میں مستعفی ہونے والے چوتھے پوپ تھے لیکن ان کا استعفیٰ گزشتہ چھ صدیوں میں بے مثال تھا۔
