تعداد بڑھانے سے سلامتی نہیں بڑھے گی؛روس کا نیٹو سے خطاب

سچ خبریں:روس نے سویڈن اور فن لینڈ کو نیٹو میں شمولیت اختیار کرنے پر انتباہ دیتے ہوئے کہا کہ اس طرح یورپ میں سلامتی نہیں بڑھ سکتی۔
روس نے نے کہا ہے کہ سویڈن اور فن لینڈ کے مغربی دفاعی اتحاد نیٹو کا حصہ بنانے سے یورپ میں استحکام کا راستہ ہموار نہیں ہو گا،کریملن کے ترجمان دیمتری پیسکوف کے مطابق روس کا یہ موقف رہا ہے کہ یہ اتحاد تصادم کی راہ اپنانے کا ایک ہتھیار ہے اور اس میں مزید توسیع براعظم یورپ میں استحکام کا سبب نہیں بنے گی۔

یاد رہے کہ امریکی وزارت خارجہ کے ایک اعلی عہدہ دار نے گزشتہ ہفتے کہا تھا کہ نیٹو اتحاد کے وزرائے خارجہ کے برسلز میں ہونے والے اجلاس میں فِن لینڈ اور سویڈن کی نیٹو میں مجوزہ شمولیت کا معاملہ بھی زیر غور آئے گا۔