ترکی شامیوں کی نسل کشی کے درپے:شام

?️ 31 مئی 2022

سچ خبریںشام کی وزارت خارجہ کے ایک سرکاری ذریعے نے کہا کہ ترکی کا نام نہاد محفوظ زون بنانے کا اقدام شامیوں کی نسل کشی اور اس ملک کا جغرافیائی ڈھانچہ بدلنے کی پالیسی کا حصہ ہے۔
شام کی سرکاری خبر رساں ایجنسی سانا نے ذرائع کے حوالے سے بتایا ہے کہ شام کی وزارت خارجہ کے ایک اعلیٰ عہدہ دار نے پیر کے روز شمال مشرقی شام میں ترک افواج کی جارحانہ فوجی کارروائیوں کی مذمت کی، رپورٹ کے مطابق شام نے شمال مشرقی علاقوں اور دیہاتوں میں گزشتہ چند دنوں سے ترکی کی فوجی کارروائیوں کو مسترد کر دیا ہے۔

انہوں نے مزید کہا کہ یہ آپریشن جس میں عام شہری مارے گئے اور درجنوں خاندان بے گھر ہوئے، ترکی کا نام نہاد محفوظ زون بنانے کا اقدام انتہائی جارحانہ تھا اور یہ ترک حکومت کی مقبوضہ شامی علاقوں میں شامیوں کی نسل کشی اور اس ملک کا جغرافیائی ڈھانچہ بدلنے کی پالیسی کا حصہ ہے۔

ذریعے نے کہا کہ یہ کارروائیاں جنگی جرائم اور انسانیت کے خلاف جرائم ہیں، انہوں نے مزید کہا کہ کوئی بھی فریق جو غیر قانونی طور پر اور شامی حکومت کے دائرہ کار سے باہر کام کرتا ہے نیز ترکی کو شامی شہریوں پر حملے کا بہانہ فراہم کرتا ہے وہ اس کا ذمہ دار ہے۔

انہوں نے کہا کہ شام کی آزادی، خودمختاری اور ارضی سالمیت ترکی، امریکہ اور بعض مغربی ممالک کی حکومتوں کے لیے بلیک میلنگ یا سودے بازی کا مقام نہیں ہو گا جو شام کی قوم اور ارضی سالمیت کے خلاف معمولی سیاسی کامیابی حاصل کرنا چاہتے ہیں۔