ٹرمپ ہر جگہ بحران کیوں ایجاد کر رہے ہیں؟صیہونی ماہر کی زبانی

?️ 9 فروری 2026

سچ خبریں:ایک صیہونی  ماہر نے کہا ہے کہ ٹرمپ کی ایران کے خلاف کشیدگی کا اصل مقصد جمہوریت نہیں بلکہ تیل کے ذخائر پر قبضہ اور چین سے مقابلہ ہے، تاکہ عالمی توانائی مارکیٹ پر امریکی بالادستی قائم کی جا سکے۔

ایک صہیونی ماہر نے کہا ہے کہ زیادہ سے زیادہ تیل کے ذخائر تک رسائی حاصل کرنا ہی ٹرمپ کی بحران سازی کا اصل ہدف ہے۔

مورخ اور امریکہ امور کے ماہر کوبی باردا نے صیہونی ریڈیو ایف ایم 103 کے ایک مباحثہ پروگرام میں کہا کہ ایران کے ساتھ بحران پیدا کرنے میں امریکہ کا اصل مقصد قدرتی وسائل تک رسائی میں چین سے سبقت حاصل کرنا ہے۔

یہ بھی پڑھیں:ایران کے خلاف ٹرمپ کی مہم جوئی اسے مہنگی پڑ سکتی ہے،ایران کا دوٹوک مؤقف جنگ روکنے کا ذریعہ بنے گا

انہوں نے اس پروگرام میں، جس کی رپورٹ روزنامہ معاریو نے بھی اپنی ویب سائٹ پر شائع کی، کہا کہ لوگوں کو یہ جان لینا چاہیے کہ ایران کے ساتھ کشیدگی پیدا کرنے کی اصل وجہ یہ ہے کہ ایرانی عوام امریکہ کو باج دینے کے لیے تیار نہیں ہیں، ورنہ ٹرمپ کو دنیا بھر میں جمہوریت پھیلانے سے کوئی دلچسپی نہیں ہے؛ اصولی طور پر جمہوریت ٹرمپ کی ترجیح ہی نہیں ہے۔

انہوں نے مزید کہا کہ اگر آپ پوچھیں کہ پھر ٹرمپ کس چیز میں دلچسپی رکھتے ہیں؟ تو میں کہوں گا کہ وہ چین سے مقابلہ کرنا چاہتے ہیں۔

پہلے مرحلے میں یہ مقابلہ مصنوعی ذہانت پر ہے، جس کے بارے میں کہا جا رہا ہے کہ چینی ایک سال کے اندر اندر اس میں واپسی کے نقطے سے آگے نکل جائیں گے۔

اس کے بعد ٹرمپ کی توجہ تیل کے وسائل پر مرکوز ہے؛ جس لمحے سے انہوں نے وینزویلا کے تیل پر کنٹرول حاصل کیا، وہی حکمت عملی ایران کے حوالے سے بھی دہرانا چاہتے ہیں۔

مزید پڑھیں:ٹرمپ ایران سے کیا چاہتے ہیں؟ برطانوی تھنک ٹینک کی زبانی

اس ماہر کے مطابق، اگر ٹرمپ ایران میں اپنے منصوبے نافذ کرنے میں کامیاب ہو گئے تو وہ دنیا کے 36 فیصد تیل ذخائر کو امریکی کنٹرول میں لے آئیں گے، جس کا مطلب ہوگا کہ روس اور سعودی عرب کے اتحاد کی وجہ سے عالمی تیل مارکیٹ میں قائم بالادستی کا خاتمہ ہو جائے گا، اور یہی وہ اصل ہدف ہے جس کے لیے ٹرمپ یہ بحران پیدا کر رہے ہیں، یہاں تک کہ وہ اس مقصد کے لیے جنگ میں جانے کے لیے بھی تیار ہیں اور داخلی تنقید یا احتجاج ان کے لیے زیادہ اہمیت نہیں رکھتا۔