ترکی اور سعودی عرب کے مشترکہ منصوبے پر صیہونی حکومت کی تشویش

سچ خبریں: عبرانی اخبار یدیعوت آحارانوت نے رپورٹ کیا ہے کہ سعودی عرب اور ترکی مشترکہ طور پر ایک زمینی تجارتی راہداری قائم کرنے کی طرف بڑھ رہے ہیں، جو خلیج فارس کے عرب ممالک کو شام اور اردن کے ذریعے یورپ سے منسلک کرے گا۔

رپورٹ میں کہا گیا ہے کہ یہ منصوبہ عملی طور پر صیہونی حکومت کو نظرانداز کرتا ہے اور ہندوستان-مشرق وسطیٰ-یورپ (IMEC) نامی اقتصادی راہداری کا حریف بن جاتا ہے، جس کی صیہونی حکومت ایک اہم حامی سمجھی جاتی تھی۔

رپورٹ کے مطابق، ترکی اور سعودی عرب کے درمیان تعاون اس بات کو یقینی بنائے گا کہ ایشیا اور یورپ کے درمیان سامان کی تجارت شام اور اردن سے ہوتی ہوئی ترکی تک، مقبوضہ علاقوں سے گزرے بغیر یا حیفا بندرگاہ پر انحصار کیے بغیر ممکن ہو سکے۔

اس رپورٹ میں کہا گیا ہے کہ مذکورہ منصوبہ ایشیا اور یورپ کے درمیان مرکزی تجارتی دائرے میں صیہونی حکومت کے کردار کو کمزور کر دے گا۔

رپورٹ کے مطابق، گزشتہ دنوں ترکی اور سعودی عرب کے وزرائے نقل و حمل نے ریلوے اور لاجسٹکس تعاون کے حوالے سے مفاہمت کی یادداشتوں پر دستخط کیے ہیں۔ ان دو منصوبوں کے درمیان مسابقت خطے میں زمینی راستوں کے نقشے پر مقابلے کی عکاسی کرتی ہے۔