بے گناہ فلسیطنیوں کے خلاف صیہونی بربریت پر سعودی عرب بھی خاموش نہ رہ سکا

?️ 21 جون 2023

سچ خبریں:جنین شہر میں فلسطینیوں کے خلاف صیہونیوں کی جارحانہ کارروائی کے بعد جس کے نتیجے میں متعدد فلسطینی شہید اور زخمی ہوئے، سعودی وزارت خارجہ نے ایک بیان میں صیہونی جارحیت کی شدید مذمت کی۔

سعودی عرب کی وزارت خارجہ نے ایک بیان جاری کرتے ہوئے جنین شہر پر صیہونی فوج کے حملے اور مغربی کنارے میں فلسطینی شہریوں پر تشدد کی مذمت کی ہے۔

یہ بھی:صیہونیوں کا خونخوار چہرہ ایک بار پھر منظرعام پر

اسپوٹنک خبر رساں ایجنسی نے منگل کی شام بتایا کہ سعودی وزارت خارجہ نے اپنے آفیشل ٹویٹر اکاؤنٹ پر ایک پیغام شائع کیا جس میں فلسطینی شہریوں کے خلاف صیہونی فوج کے پے در پے پرتشدد اقدامات کی مذمت کرتے ہوئے کہا گیا کہ ریاض جنین اور اس کے آس پاس کے کیمپوں کے رہائشیوں کےکے خلاف اسرائیلی فوج کے اقدامات کی سخت مذمت کرتا ہے۔

بیان میں مزید آیا ہے کہ ہم فلسطینی حکومت اور قوم سے تعزیت کا اظہار کرتے ہوئے غمزدہ فلسطینی خاندانوں کے ساتھ ہمدردی کا اظہار کرتے ہیں اور زخمی فلسطینیوں کے لیے خدا سے جلد صحت یابی کی دعا کرتے ہیں۔

سعودی عرب کی وزارت خارجہ نے جنین قصبے میں بے گناہ فلسطینیوں کے خلاف گزشتہ روز صیہونی فوج کی فضائی اور زمینی کاروائیوں کو خطرناک قرار دیا ہے۔

مزید:امارات، چین اور فرانس کے درمیان جنین کے حوالے سے غیر معمولی اجلاس

یاد رہے کہ صیہونی حملے کے نتیجے میں اس فلسطینی قصبے کے متعدد مکین شہید اور زخمی ہوئے ،تاہم صیہونیوں کی جانب سے مزید پرتشدد کاروائیاں جاری ہیں۔