بیلجیم کی میونسپلٹی کا صیہونی حکومت سے تعلقات منقطع کرنے کا اعلان

🗓️ 27 اپریل 2023

سچ خبریں:بیلجیم کی لیژ میونسپلٹی نے اعلان کیا ہے کہ اس نے صیہونی حکومت سے اپنے تعلقات منقطع کر لیے ہیں۔

مرکزاطلاعات فلسطینکی رپورٹ کے مطابق بیلجیم کی لیژ میونسپلٹی نے اعلان کیا کہ وہ صیہونی حکومت کے مسلسل جرائم اور فلسطینی عوام کے حقوق کی پامالی کی وجہ سے وہ اس حکومت اور تمام اسرائیلی اداروں اور تنظیموں سے ہر قسم کے تعلقات منقطع کردے گی۔

یاد رہے کہ بیلجیئم کے اس شہر نے 2014 سے رام اللہ کے ساتھ بھائی چارے کا معاہدہ کر رکھا ہے،ایسا اس وقت ہوا ہے جبکہ صیہونی حکومت فلسطینی قوم کے خلاف کسی بھی جرم کے ارتکاب سے دریغ نہیں کرتی اور فلسطینیوں کو نشانہ بناتی ہے نیز روزانہ کی بنیاد پر مسجد الاقصی پر صیہونیوں کے حملے جاری ہیں، اس سلسلہ میں منگل کے روز درجنوں صیہونی آباد کاروں نے مسجد الاقصیٰ پر حملہ کیا۔

صیہونی آباد کاروں نے صیہونی حکومت کی حمایت میں باب المغاربہ سے مسجد الاقصی پر حملہ کیا،مسجد الاقصی میں صیہونی اس وقت داخل ہوئے جب مسجد باب الرحمہ پر اسرائیلی قابض فوج نے حملہ کیا، قابض آباد کاروں نے مسجد اقصیٰ پر حملہ دوبارہ شروع کر دیا ہے جبکہ مقبوضہ بیت المقدس میں فلسطینی شخصیات اور کارکنوں نے مسجد الاقصیٰ میں بڑی تعداد میں موجودگی پر زور دیا تاکہ اس مسجد بالخصوص باب الرحمہ کے خلاف قابض آباد کاروں کی سازشوں کا مقابلہ کیا جا سکے،القدس اسلامی اوقاف کے محکمہ نے آج مسجد اقصیٰ میں داخل ہونے والے آباد کاروں کی تعداد 200 کے قریب بتائی ۔