کشمیری عوام کا ترجمان عمران خان، مقبوضہ کشمیر میں وزیر اعظم اور آرمی چیف کی تصاویر آویزاں کردی گئیں

?️ 21 اپریل 2021

سرینگر (سچ خبریں) کشمیری عوام کا ترجمان عمران خان، یہ وہ نعرہ ہے جو آج کل مقبوضہ کشمیر کے مختلف علاقوں میں موجود پوسٹروں میں دکھائی دے رہا ہے جہاں وزیر اعظم عمران خان کے ساتھ ساتھ آرمی چیف جنرل جنرل قمر جاوید باجوہ کی تصواری بھی آویزاں کی گئی ہیں۔

تفصیلات کے مطابق مقبوضہ جموں و کشمیر کی عوام نے وادی کے مختلف علاقوں میں وزیر اعظم عمران خان اور چیف آف آرمی اسٹاف جنرل قمر جاوید باجوہ کے پوسٹرز آویزاں کر دئے ہیں۔

موصولہ اطلاعات کے مطابق حق خودارادیت فورم جموں وکشمیر نے پاکستان سے اپنے پیار اور محبت کا اظہار کرتے ہوئے مقبوضہ وادی کے مختلف علاقوں میں وزیراعظم عمران خان اور آرمی چیف قمر جاوید باجوہ کے پوسٹرز آویزاں کر دئے گئے۔

کشمیر میڈیا سروس (کے ایم ایس) کے مطابق پوسٹرز پر وزیر خارجہ شاہ محمود قریشی، علی امین گنڈا پور، شہریار آفریدی، علی محمد خان اور بیرسٹر سلطان چودھری ki تصاویر بھی موجود ہیں۔

کے ایم ایس کے مطابق پوسٹرز پر تحریک آزادی کشمیر کے سفیر کے علاوہ دیگر تعریفی کلمات، کشمیری عوام کا ترجمان عمران خان کے نعرے، کشمیریوں کا وکیل پاکستان کے نعرے، پاکستانی اور کشمیری یک جان دو قالب کے نعرے سمیت ہم پاکستانی ہیں اور پاکستان ہمارا ہے کے نعرے درج ہے۔

حریت رہنماعبدالحمید لون نے بھارتی غیر قانونی قبضے کے خلاف جدوجہد جاری رکھنے کے عزم کا اظہار کرتے ہوئے کشمیریوں کی سیاسی، سفارتی و اخلاقی تعاون پر پاکستان کا شکر ادا کیا, ان کا کہنا تھا کہ پوسٹرز پاکستان اور کشمیریوں کے لازوال رشتے کی عکاس ہیں۔

یاد رہے کہ مقبوضہ وادی میں ریاستی دہشت گردی کا سلسلہ جاری و ساری ہے, بھارت نے نام نہاد جمہوریت اور سیکولر ازم کی آڑ میں مقبوضہ علاقے میں ظلم وستم کا جو بازار گرم کر رکھا ہے، موجودہ وقت میں اس کی مثال دنیا میں کہیں اور نہیں ملتی۔
مقبوضہ کشمیر ایک ایسا خطہ ہے جس کے عوام اپنی مرضی کے مطابق زندگی گزارنا چاہتے ہیں جہاں ان کی اکثریت ہے اور وہ سات دہائیوں سے آزادی کی جنگ لڑ رہے ہیں, کشمیری عوام بھارت کی جانب سے کسی قسم کا دباؤ برداشت نہیں کرتی۔