بولٹن کو قید ہونا چاہیے، مجھے امید ہے کہ ایک دن اس کے خلاف گواہی دوں گا: پومپیو

🗓️ 20 جنوری 2023

سچ خبریں:سابق امریکی وزیر خارجہ مائیک پومپیو نے امید ظاہر کی کہ ایک دن وہ سابق امریکی قومی سلامتی کے مشیر جان بولٹن کے خلاف فوجداری مقدمے میں گواہی دیں گے۔

اس رپورٹ کے مطابق گارڈین کے حوالے سے پومپیو نے 2024 کے ریپبلکن صدارتی پرائمریوں میں ممکنہ حریفوں پر تنقید سے بھری ایک نئی یادداشت میں لکھا جو اگلے ہفتے شائع ہونے والی ہے جان بولٹن کو خفیہ معلومات لیک کرنے پر جیل میں ہونا چاہیے۔ امید ہے کہ ایک دن ایک مجرمانہ مقدمے میں بولٹن کے خلاف گواہی دوں گا۔

اپنی یادداشتوں کے ایک اور حصے میں سابق امریکی وزیر خارجہ نے دعویٰ کیا ہے کہ اقوام متحدہ میں اس وقت کی امریکی سفیر نکی ہیلی نے ٹرمپ کے داماد اور بیٹی جیرڈ کشنر اور ایوانکا ٹرمپ کے ساتھ مل کر سازش رچائی تھی تاکہ انہیں امریکی سفیر مقرر کیا جائے۔