بائیڈن امریکہ میں ہتھیار فروخت کرنے کی پالیسی کو محدود کرنے سے قاصر:فرانسیسی اخبار

?️ 29 مئی 2022

سچ خبریں:فرانس کے اخبار کے ذریعے کرائے گئے سروے کے نتائج سے ظاہر ہوتا ہے کہ سروے میں شرکت کرنے والوں کی اکثریت کا خیال ہے کہ امریکی صدر کے پاس اس ملک میں ہتھیاروں سے متعلق پابندیاں لگانے کا کوئی امکان نہیں ہے۔
فرانسیسی اخبار لی فیگارو کے ایک سروے کے مطابق سروے مٰن شریک بھاری اکثریت کا خیال ہے کہ امریکی صدر جوبائیڈن سابق صدور کی طرح اس ملک میں ہتھیار لے کر چلنے، خرید و فروخت اور استعمال کرنے کی پالیسیوں کے خلاف کارروائی نہیں کر سکیں گے۔

سروے میں حصہ لینے والوں میں سے 65 فیصد سے زیادہ نے "نہیں” آپشن کا انتخاب کیا، یہ مانتے ہوئے کہ بائیڈن کے پاس ریپبلکنز کی پالیسیاں تبدیل کرنے کا کوئی موقع نہیں ہے، یاد رہے کہ یہ سروے ریاستہائے متحدہ میں بڑے پیمانے پر فائرنگ کے واقعات میں حالیہ اضافے کے درمیان سامنے آئی ہے۔

یاد رہے کہ حال ہی میں امریکی ریاست ٹیکساس کے ایک شہر کے ایک اسکول میں 18 سالہ نوجوان نے نیم خودکار ہتھیار سے گولی چلائی جس کے نتیجے میں سترہ بچے اور دو اساتذہ ہلاک ہو گئے،بائیڈن نے اس فائرنگ کے جواب میں کہا کہ مجھے امید تھی کہ جب میں صدر بنوں گا تو اس طرح کا کوئی جرم نہیں دیکھوں گا۔