سعودی دروازے اسرائیلیوں کے لیے کھلے ہیں: اسرائیل گلوبز

?️ 29 مئی 2022

سچ خبریں:صہیونی خبر رساں ذرائع نے کہا ہے کہ باوجود اس کے کہ سعودی عرب نے صیہونی حکومت کے ساتھ تعلقات کو معمول پر لانے کا باضابطہ اعلان نہیں کیا ہے، تاہم تل ابیب اور ریاض کے درمیان تجارتی اور اقتصادی تعلقات میں تیزی ،اس منصوبے کے نفاذ کی طرف اشارہ ہے۔
صیہونی حکومت کے اقتصادی میگزین گلوبس نے صیہونی حکومت اور سعودی عرب کے درمیان تجارتی اور اقتصادی تعلقات کی توسیع کے بارے میں خبر دیتے ہوئے کہا کہ امریکہ صیہونی حکومت کے ساتھ سعودی عرب اور مصر کے معاملات کو معمول پر لانے کے لیے ثالثی کر رہا ہے۔

میگزین نے مزید لکھا کہ اگرچہ سرکاری طور پر سعودی عرب کے ساتھ تعلقات معمول پر لانے کا اعلان نہیں کیا گیا، تاہم عملی طور پر ایسا ہو چکا ہے، گلوبز نے لکھا کہ حال ہی میں بڑے پیمانے پر دستخط کیے گئے معاہدوں کے تحت صیہونی پاسپورٹ اور خصوصی ویزوں کے ساتھ سعودی عرب میں صیہونی تاجروں کا دورہ کرنے اور سعودی تاجروں نیز حکومت میں سرمایہ کاری کے فنڈز کے لیے اعلیٰ سطحی رابطوں کے ساتھ ہوئے ہیں۔

واضح رہے کہ ایک باخبر ذریعے نے سعودیوں اور صیہونیوں کے درمیان تعلقات کی طویل تاریخ کا اعتراف کرتے ہوئے میگزین کو بتایا کہ ہمارے سعودی عرب کے ساتھ بالواسطہ تعلقات بیس سال سے زیادہ سے ہیں۔