ایران کی انڈرگراؤنڈ میزائل اور ڈرونز مراکز کی رونمائی

🗓️ 8 مارچ 2022

سچ خبریں:ایران کی سپاہ پاسداران فوج نے پہلی بار اپنے انڈر گراؤنڈ میزائل اور درونز مراکز کی رونمائی کرتے ہوئے کہا ہے کہ دشمن کی ہر جارحیت کا جواب دینے کے لیے مکمل تیار ہیں۔

ایران کی سپاہ پاسداران فوج نے پہلی بار اپنے انڈر گراؤنڈ میزائل اور درونز مراکز کی رونمائی کی جوبلند و بالا پہاڑیوں کے درمیان واقع ہیں اور ان میں زمین سے زمین پر مار کرنے والے میزائل اور حملہ آور ڈرون سسٹم نصب کیے گئے ہیں، یادرہے کہ ایران کے انقلابی نوجوانوں کی کاوشوں کے نتیجے میں تیار کیے جانے والے ان مراکز نے دشمنوں کی ہر جارحیت کے مقابلے میں اس ملک کو ایک محفوظ قلعے میں تبدیل کردیا ہے ۔

قابل ذکر ہے کہ یہ پہلی بار ہے جب سپاہ پاسداران نے اپنے کسی بھی زیرزمین مرکز کی رونمائی کی ہے،، اس موقع پر سپاہ پاسداران کے کمانڈر بریگیڈیئر جنرل حسین سلامی نے میزائل اور ڈرون مرکز کا معائنہ بھی کیا، جہاں سپاہ پاسداران کے ائیرو اسپیس ڈویژن کے کمانڈر بریگیڈیر امیر علی حاجی زادے نے ملکی دفاع کے لیے اپنے ڈویژن کی جانب سے انجام پانے والے تازہ ترین اقدامات کی ایک رپورٹ بھی پیش کی اور ایرانی فوج کی صلاحیتوں کا ذکر کیا ۔