ایران کا امریکہ کو دوٹوک جواب

?️ 13 فروری 2022

سچ خبریں:ٹرمپ کے ایرنی ایٹمی معاہدے سے یکطرفہ طور پر نکل جانے کے بعد امریکہ نے ایران کے خلاف جو پابندیاں عائد کی تھیں، بائیڈن انتظامیہ میں انھیں کم کرکے ایران پر احسان کرنے کی کوشش کی پر ایران نے دوٹوک انداز میں کہہ دیا کہ یہ کافی نہیں ہے۔
ٹرمپ انتظامیہ نے ایٹمی معاہدے سے باہر نکلنے کے بعد ایران پر جو پابندیاں عائد تھیں ان میں سے کچھ کو بائیڈن انتظامیہ نے ہٹانے کا اعلان کرکے سب کو حیران کر دینے کی کوشش کی تاکہ اس سے امریکا کی نیک نیتی ثابت ہو تاہم ایران کے وزیر خارجہ حسین امیر عبد اللہیان نے دو ٹوک جواب دیا کہ یہ اچھا قدم ہے، اچھی نیت کا اظہار ہے لیکن کافی نہیں ہے۔

واضح طور پر یہ دو ٹوک جواب ایران کی مضبوط پوزیشن کی علامت ہے اور یہ ثابت کرتا ہے کہ ایران، امریکا کو کوئی امتیاز دینے کے لئے تیار نہیں ہے، یعنی ایران نے ایٹمی شعبے میں جو پیشرفت کی ہے اسے امریکا کی خواہش پر قربان نہيں کرے گا۔

قابل ذک رہے کہ اسلامی جمہوریہ ایران کے رہبر آیت اللہ خامنہ ای کو امریکا پر اعتماد نہيں ہےجبکہ ایران کے نئے صدر سید ابراہیم رئیسی رہبر انقلاب کے بہت قریبی مانے جاتے ہیں ، وہ بھی ایٹمی شعبے میں حاصل ہونے والی کامیابیوں کو ہاتھ سے نکل جانے کے بالکل بھی موڈ میں نہیں ہیں اور نہ ہی میزائل، آبدوز اور ڈرون طیاروں کی ٹکنالوجی کے میدان میں جاری تیز پیشرفت کی رفتار کم کرنے پر آمادہ ہیں۔

ایران کے طاقتور عہدیدار علی شمخانی جو اعلی قومی سیکورٹی کونسل کے سکریٹری بھی ہیں، ٹوئٹ کر چکےہیں کہ تہران ایٹمی تحقیقات اور پیشرفت کو رکنے نہیں دے گا اور اس حق کو کوئی بھی سمجھوتہ محدود نہیں کر سکتا۔