ایران اور روس کے تعلقات کو نقصان پہنچانے کے لیے مغربی میڈیا کا پروپگنڈہ

?️ 17 نومبر 2021

سچ خبریں:تہران میں روسی سفارت خانے نے بعض مغربی میڈیا کی ان رپورٹس کی تردید کی ہے کہ روسی فیڈریشن کو کاسپین گیس فیلڈ تک رسائی حاصل ہے۔
ایران میں روسی سفارتخانے نے کاسپین گیس فیلڈ تک روس کی رسائی کے بارے میں بعض مغربی میڈیا کی جھوٹی خبروں کے جواب میں ایک بیان میں کہاکہ کچھ مغربی میڈیا میں دوسری مرتبہ غیر حقیقی خبر شائع ہوئی کہ روس نے مبینہ طور پر ایران میں گیس فیلڈ کا ڈیزائن بنایااوربحیرہ کاسپین تک رسائی حاصل کر لی ہے ، اس غیر حقیقی خبر نے متعدد افراد کی توجہ مبذول کرائی ہے۔

تہران میں روسی سفارت خانے نے مزید کہاکہ ایران میں روس کے سفیر جناب لاوان جاگاریان کی رائے میں، اس طرح کی خبریں امریکہ کے خصوصی ادارے کے نمائندوں کی طرف سے تیار کی جاتی ہیں تاکہ روس اور ایران کے دوستانہ تعلقات کو نقصان پہنچایا جا سکے،تاہم جیسا کہ سفیر نے اشارہ کیا ایسی کوششیں کامیاب نہیں ہوں گی۔