ایرانی سنیما، دنیا کی معروف سنیما انڈسٹریز میں سے ایک ہے: پاکستانی وزیر ثقافت

?️ 3 دسمبر 2025

ایرانی سنیما، دنیا کی معروف سنیما انڈسٹریز میں سے ایک ہے: پاکستانی وزیر ثقافت

 پاکستان کے وزیر ثقافت اورنگ زیب خان کھچی نے ایران کی سنیما انڈسٹری کو دنیا کی معروف سنیما انڈسٹریز میں سے ایک قرار دیا ہے۔

انٹرنیشنل فجر فلم فیسٹول کی اختتامی تقریب میں شرکت کے بعد صحافیوں سے بات چیت کرتے ہوئے پاکستان کے وزیر ثقافت اورنگ زیب خان کھچی کا کہنا تھا کہ ایران کی سنیما انڈسٹری دنیا کی معروف سنیما انڈسٹریز میں سے ایک ہے۔

انہوں نے کہا کہ اسلامی جمہوریہ ایران اور پاکستان کے ایک دوسرے کے ساتھ تاریخی، برادرانہ اور دوستانہ تعلقات ہیں۔ایران پہلا ملک تھا جس نے پاکستان کی آزادی کو تسلیم کیا۔ اسی طرح پاکستان پہلا ملک تھا جس نے امام خمینی کی عظیم قیادت میں ایران کے اسلامی انقلاب کو تسلیم کیا۔

انہوں نے کہا ایران اور پاکستان کے دوستی آزما‏ئش کی گھڑی پر ہمیشہ پوری اتری ہے۔ ایران کے خلاف صیہونی حکومت کی طرف سے غیر قانونی طور پر مسلط کردہ 12 روزہ جنگ کے دوران پاکستان کی حکومت اور عوام ایران کی عظیم قوم کے شانہ بشانہ کھڑے رہے۔

پاکستان کے وزیر ثقافت نے کہا کاکہ یہ بندھن ظاہر کرتا ہے کہ ایران اور پاکستان ایک دوسرے پر اتنے منحصر ہیں کہ ایک دوسرے سے علیحدگی ممکن نہیں۔