سچ خبریں:امریکی سینیٹ کے ایگزیکٹو ڈائریکٹر کا ہمارے لیے سائبر حملوں کا خطرہ امریکی کانگریس پر ٹرمپ کے حامیوں کے حملے کے خطرے سےبھی زیادہ بڑا ہے۔
فاکس نیوزکی رپورٹ کے مطابق امریکی سینیٹ کے ایگزیکٹیو ڈائریکٹر کارن گبسن نے کہا مجھے دارالحکومت پر ایک گروہ کے حملے سے زیادہ سائبر حملے کو لے کر تشویش ہے،گبسن نے مزید کہا کہ دارالحکومت کے مختلف نیٹ ورکس میں مستقل بنیادوں پر سائبر حملے ہو رہے ہیں اور یہ مسئلہ ایک بڑے خطرے میں تبدیل ہو چکا ہے، حالیہ مہینوں کے دوران منصوبہ بند طریقے سے انجام پانے والے سائبر حملوں نے امریکی نجی کمپنیوں اور حساس اداروں کو نشانہ بنایا ہے، وائٹ ہاؤس کا دعوی ہے کہ یہ کام روس کا ہے جبکہ روس امریکہ کے اس الزام کو مسترد کرتا ہے۔
یادرہے کہ امریکی ریاست میساچوسٹ کی جہاز رانی کی ایک کمپنی نے گزشتہ بدھ کے روز یہ اعلان کیا تھا کہ اسکے نیٹ ورک پر ہیکرز نے حملہ کیا ہے، یہ کمپنی امریکہ کی ایک اہم کمپنی شمار ہوتی ہے جس کی نگرانی میں مذکورہ صوبے کی تمام سیاحتی کشتیوں کی نقل و حرکت انجام پاتی ہے،درایں اثنا امریکہ کے وزیر توانائی جینیفر گرانہم نے اعلان کیا ہے کہ ملک کے بجلی نیٹ ورک پر حالیہ مہینوں کے دوران کئی بار سائبر حملے ہو چکے ہیں، امریکی وزیر نے توانائی کے شعبے میں ملک کو درپیش سائبر حملوں کے خطرات کا ذکر کرتے ہوئے اعتراف کیا کہ امریکی دشمنوں کے پاس اسکے انرجی نیٹ ورک میں خلل ڈالنے اور اسے ناکارہ بنانے کی توانائی موجود ہے۔
سحر
