امریکہ کی موجودگی میں اردن اور متحدہ عرب امارات کا صیہونی حکومت کے ساتھ مفاہمتی معاہدہ

?️ 23 نومبر 2021

سچ خبریں:اردن اور متحدہ عرب امارات نے صیہونی حکومت کے ساتھ موسمیاتی بحران، شمسی توانائی کی پیداوار اور پانی کو صاف کرنے کی سہولیات کے قیام کے حوالے سے مفاہمت کی ایک مشترکہ یادداشت پر دستخط کیے ہیں جبکہ معاہدے پر دستخط کے موقع پر امریکی نمائندہ خصوصی برائے موسمیاتی امور جان کیری بھی موجود تھے۔
مصر میں اسرائیلی سفارت خانے نے منگل کو ٹویٹ کیا کہ اسرائیل، اردن اور متحدہ عرب امارات نے موسمیاتی بحران، شمسی توانائی کی تخلیق اور پانی کو صاف کرنے کی سہولیات کی تعمیر سے متعلق ہر چیز پر مشترکہ کاروائی کے لیے مفاہمت کی یادداشت پر دستخط کیے ہیں،رپورٹ کے مطابق یادداشت پر دستخط کی تقریب میںجو دبئی ایکسپو کمپلیکس میں منعقد ہوئی،جان کیری امریکہ کے خصوصی نمائندے برائے موسمیاتی امور، صہیونی وزیر توانائی کرین الاہرار اور اماراتی وزیر برائے توانائی مریم المہری نے شرکت کی۔

واضح رہے کہ اس موقع پر متحدہ عرب امارات کے موسمیاتی اور خوراک کی حفاظت اور اردن کے پانی اور آبپاشی کے وزیر محمد النجار موجود بھی تھے،قابل ذکرہے کہ اس معاہدے پر دستخط کرنے میں ایک امریکی عہدہدار کی موجودگی اس وقت کے امریکی صدر ڈونلڈ ٹرمپ کی موجودگی میں اسرائیل کے ساتھ بحرین اور متحدہ عرب امارات کے سمجھوتہ کے معاہدے پر دستخط کی یاد دلا ئی ہے۔

اردن کی وزارت پانی و آبپاشی کے ترجمان عمر سلامہ نے کہا کہ ان کے ملک اور صیہونی حکومت کے درمیان طے پانے والی مفاہمت کی یادداشت کے نتیجہ میں 2022 تک اردن کو 200 ملین کیوبک میٹر پانی تک رسائی فراہم کرنے کے لیے فزیبلٹی اسٹڈی کے عمل میں داخل ہونا ہے۔

انہوں نے کہا کہ ایم او یو پر دستخط تکنیکی اور قانونی طور پر کوئی معاہدہ نہیں ہے اور اردن کی جانب سے پانی کی یہ مقدار حاصل کیے بغیر اس پر عمل درآمد نہیں کیا جائے گا۔