اسرائیلی وزیر جنگ کا غزہ پر بڑے حملے کی دھمکی

اسرائیلی وزیر جنگ کا غزہ پر بڑے حملے کی دھمکی

 اسرائیلی وزیر جنگ یسرائیل کاتس نے اعلان کیا ہے کہ غزہ پر جلد ہی وسیع حملہ شروع کیا جائے گا اور یہ آپریشن اس وقت تک جاری رہے گا جب تک حماس مکمل طور پر نابود نہ ہو جائے۔

رپورٹ کے مطابق، کاتس نے جمعے کو کہا اب دوزخ کے دروازے غزہ پر کھول دیے گئے ہیں، اور یہ اس وقت تک بند نہیں ہوں گے جب تک حماس ہمارے شرائط کو قبول نہ کرے، جن میں تمام مغویوں کی رہائی اور اسلحے کی واپسی شامل ہے۔

انہوں نے مزید بتایا کہ فوج نے غزہ شہر کے ایک بلند رہائشی ٹاور کو خالی کرنے کا حکم دیا ہے تاکہ اسے بمباری کا نشانہ بنایا جا سکے۔ عینی شاہدین کے مطابق، یہ ۱۴ منزلہ عمارت اس وقت سیکڑوں فلسطینی آوارہ شہریوں کا پناہ گاہ بنی ہوئی ہے جو حالیہ اسرائیلی بمباری کے بعد یہاں منتقل ہوئے تھے۔

یہ دھمکی ایسے وقت میں دی گئی ہے جب حماس نے حالیہ ہفتوں میں کئی مرتبہ جنگ بندی اور قیدیوں کے تبادلے کے لیے تیاری ظاہر کی، تاہم اسرائیل نے ان تجاویز کو مسترد کر دیا۔ وزیراعظم بنیامین نتانیاہو نے بدھ کو ایک بیان میں حماس کے ساتھ کسی جامع معاہدے کی تجویز رد کر دی تھی۔

اسرائیل نے ۷ اکتوبر ۲۰۲۳ سے امریکہ کی حمایت کے ساتھ غزہ میں جنگ شروع کر رکھی ہے جس کے نتیجے میں ہزاروں فلسطینی، جن میں اکثریت خواتین اور بچوں کی ہے، شہید یا زخمی ہو چکے ہیں۔ اس کے علاوہ بڑے پیمانے پر تباہی اور قحط نے انسانی المیہ پیدا کر دیا ہے۔

بین الاقوامی برادری کی قراردادوں اور عالمی عدالت انصاف کی ہدایات کو نظرانداز کرتے ہوئے تل ابیب مسلسل جنگی جرائم کا ارتکاب کر رہا ہے۔ اس سب کے باوجود اسرائیل اب تک اپنے بنیادی اہداف، یعنی حماس کی نابودی اور مغوی اسرائیلی قیدیوں کی رہائی، حاصل کرنے میں ناکام رہا ہے۔