سچ خبریں:روس کے صدر نے ترکی کے صدارتی انتخابات میں کامیابی کے موقع پر رجب طیب اردگان کو مبارکباد کا پیغام بھیجتے ہوئے کہا کہ وہ انقرہ کے ساتھ دوطرفہ تعاون جاری رکھیں گے۔
روسی صدر نے رجب طیب اردگان کو ترکی کے صدارتی انتخابات میں کامیابی پر مبارکباد دیتے ہوئے کہا کہ وہ انقرہ کے ساتھ دوطرفہ تعاون جاری رکھیں گے۔
روئٹرز خبر رساں ادارے کے مطابق اتوار کی شب روسی صدر ولادی میر پیوٹن نے اردگان کو ترک صدارتی انتخابات میں کامیابی پر مبارکباد دی ،پیوٹن نے کہا کہ یہ کامیابی ظاہر کرتی ہے کہ ترک عوام اردگان کی آزاد خارجہ پالیسی کو سراہتے ہیں۔
پیوٹن نے اپنے پیغام میں کہا کہ انتخابات میں فتح ترکی کے صدر کی حیثیت سے آپ کی بے لوث محنت کا نتیجہ تھی اور یہ ریاست کی خود مختاری کو مضبوط بنانے اور آزاد خارجہ پالیسی کے نفاذ کے لیے آپ کی کوششوں کے لیے ترک عوام کی حمایت کا واضح ثبوت ہے۔
واضح رہے کہ ترک صدارتی انتخابات کے دوسرے راؤنڈ میں کامیابی کی تصدیق کے بعد اردگان نے استنبول میں اپنے حامیوں سے خطاب کرتے ہوئے کہا کہ ہم استنبول سے محبت کرنے والے ہیں اور ہم نے اپنا سفر اس شہر سے شروع کیا ہے اور اسی شہر سے جاری رکھیں گے۔
اردگان کے نام اپنے پیغام میں روسی صدر نے کہا کہ ہم روس اور ترکی کے دوستانہ تعلقات کو مضبوط بنانے اور مختلف شعبوں میں باہمی طور پر فائدہ مند تعاون میں آپ کی کوششوں کو سراہتے ہیں۔
