سچ خبریں: معروف ٹی وی میزبان ڈاکٹر عامر لیاقت مرحوم کی بیوہ، دانیہ شاہ نے ایک ویڈیو جاری کی جس میں انہوں تصدیق کی کہ انہوں نے دوسری شادی کر لی ہے۔
دانیہ شاہ نے اپنے ویڈیو بیان میں تصدیق کی ہے کہ انہوں نے چند ماہ پہلے شہزاد سے دوسری شادی کر لی ہے۔
ویڈیو میں دانیہ شاہ نے بتایا کہ ان کی زندگی میں کئی مسائل چل رہے تھے اور انہیں ایک محرم کی ضرورت تھی جو ہر جگہ ان کا ساتھ دے سکے۔ اسی دوران، شہزاد نے انہیں نکاح کا پروپوزل بھیجا اور کافی سوچ بچار کے بعد انہوں نے ان سے نکاح کر لیا۔
یہ بھی پڑھیں: ڈاکٹر عامر لیاقت حسین 49 برس کی عمر میں انتقال کر گئے۔
سامنے آنے والی ایک دوسری ویڈیو میں، دانیہ شاہ کے شوہر شہزاد کو ان کے ساتھ سڑک پر کھڑے دوستوں سے ملواتے ہوئے دیکھا جا سکتا ہے۔
اس ویڈیو میں شہزاد کہہ رہے ہیں کہ یہ ویڈیو ان لوگوں کے لیے ہے جنہیں ان کا دانیہ شاہ سے نکاح مذاق لگتا ہے۔
انہوں نے کہا کہ ان کی دانیہ شاہ سے شادی 2، 4 ماہ پہلے ہو چکی ہے۔
مزید پڑھیں: ’نفیس و ذہین شخص بہت جلدی دنیا چھوڑگئے‘، عامر لیاقت کی برسی پر شوبزشخصیات افسردہ
واضح رہے کہ دانیہ شاہ کو 2022 میں عامر لیاقت کی نازیبا ویڈیو بنا کر وائرل کرنے کے الزام میں لودھراں سے گرفتار کر کے کراچی منتقل کیا گیا تھا۔
بعد ازاں، کئی ماہ بعد عدالت نے ان کی رہائی کا حکم جاری کیا تھا۔
