کیا تحریک انصاف کا راستہ روکا جا رہا ہے؟

🗓️ 7 اگست 2024

سچ خبریں: قومی اسمبلی میں اپوزیشن لیڈر عمر ایوب نے انسداد دہشت گردی عدالت لاہور کے باہر میڈیا سے گفتگو کرتے ہوئے کہا کہ جو ایکٹ پاس کیا گیا ہے، وہ مکمل طور پر غلط اور منفی ہے۔

انہوں نے الزام لگایا کہ یہ ایکٹ صرف تحریک انصاف کا راستہ روکنے کی بھونڈی کوشش ہے۔

یہ بھی پڑھیں: اسلام آباد کی انسداد دہشتگردی عدالت کے جج برہم؛ وجہ؟

عمر ایوب نے کہا کہ اس ایکٹ کو ہر جگہ چیلنج کیا جائے گا، کیونکہ یہ قانون اور آئین کے بالکل منافی ہے۔

انہوں نے مزید کہا کہ صوابی کا جلسہ سب نے دیکھا ہے، جو ہمارے موقف کی حمایت کرتا ہے۔

انہوں نے کہا کہ ملک میں تازہ انتخابات ہمارا واحد مطالبہ ہے اور ہمارا چرایا ہوا مینڈیٹ واپس کیا جائے۔

معیشت کا طالب علم ہونے کے ناطے، میں بتا سکتا ہوں کہ یہ بجٹ عوام دشمن ہے اور اس بجٹ سے مہنگائی مزید بڑھے گی۔

مزید پڑھیں: الیکشن کمیشن حملہ کیس: اسدعمر کی بریت کی درخواست انسداد دہشت گردی عدالت میں دائر

عمر ایوب نے کہا کہ پاکستان نئے انتخابات کی طاقت رکھتا ہے۔ شہباز شریف، مریم نواز اور دیگر کہاں بھاگیں گے؟ حسینہ واجد تو بھارت چلی گئی تھیں، لیکن یہاں سے ہیلی کاپٹر نہیں جائے گا۔