وزیرِ اعلیٰ خیبرپختونخوا کا غریب گھرانوں کے لیے اہم اعلان

?️ 11 اگست 2024

سچ خبریں: خیبر پختونخوا کے وزیر اعلیٰ علی امین گنڈاپور نے اعلان کیا ہے کہ صوبے کے ایک لاکھ غریب خاندانوں کو مفت 2 کے وی سولر سسٹم فراہم کیے جائیں گے۔

علی امین گنڈاپور نے اپنے بیان میں بتایا کہ یہ سولر سسٹم مکمل طور پر تیار شدہ ہوں گے جن میں سولر پینلز، انورٹر، وائرنگ، پنکھے اور بلب شامل ہوں گے۔

یہ بھی پڑھیں: سندھ حکومت کا عالمی بینک کے اشتراک سے عوام کو 7 ہزار میں سولر سسٹم فراہم کرنے کا فیصلہ

ان کا کہنا تھا کہ ایک لاکھ سولر سسٹمز کی تنصیب سے بجلی کی چوری اور لائن لاسز میں کمی واقع ہوگی نیز لوگوں لوگوں کے لوڈ شیڈنگ سے بھی نجات ملے گی۔

یہ سولر سسٹم ان غریب گھرانوں کو دیے جائیں گے جو احساس پروگرام کے تحت رجسٹرڈ ہیں۔

علی امین گنڈاپور نے مزید وضاحت کی کہ پنجاب میں صرف سولر پینلز دیے جا رہے ہیں، جبکہ خیبر پختونخوا میں ہم مکمل سولر سسٹم فراہم کر رہے ہیں۔

مزید پڑھیں: وزیر اعظم کا وفاقی سرکاری عمارات و دفاتر اپریل تک شمسی توانائی پر منتقل کرنے کا اعلان

انہوں نے یہ بھی کہا کہ اس منصوبے کے لیے 20 ارب روپے سے زائد کا بجٹ مختص کیا گیا ہے۔