ہر رمضان میں مسجد اقصیٰ میں نمازیوں کیخلاف اسرائیلی فورسز کے حملوں کا مشاہدہ کرتے ہیں،عمران خان

🗓️ 29 اپریل 2022

اسلام آباد(سچ خبریں)چیئرمین تحریک انصاف عمران خان نے یوم  القدس پرفلسطینی  عوام سے اظہار یکجہتی کیا ہے ۔چیئرمین تحریک انصاف عمران خان کا گزشتہ روز مسجد نبویۖ میں پاکستان کے حکومتی وفد کے ساتھ پیش آنے والے واقعہ کے بعد پہلا ٹوئٹ سامنے آیا ہے تاہم یہ ٹوئٹ اس افسوسناک واقعہ پر رد عمل دینے سے متعلق نہیں ہے۔

عمران خان نے ٹوئٹ میں یوم القدس کے موقع پر ہم قابض اسرائیلی افواج کے تشدد اور ظلم کے خلاف فلسطینی عوام کے ساتھ اظہار یکجہتی کیا ہے۔ عمران خان نے کہا کہ ہر رمضان میں ہم مسجد اقصیٰ میں نمازیوں کے خلاف اسرائیلی فورسز کے قابل مذمت حملوں کا مشاہدہ کرتے ہیں، جو مسلمانوں کے لیے تیسرے مقدس ترین مقام ہے۔

خیال رہے ماہ مبارک رمضان کا آخری جمعہ جسے جمعہ الوداع کے نام سے یاد کیا جاتا ہے اسی دن کو یوم القدس کا نام بھی دیا گیا اور دنیا بھر کے مسلمان  جمعہ الوداع کے موقع پر فلسطینی بھائیوں کے حق میں اور اسرائیل کے خلاف مظاہرے کرتے ہیں اور ریلیاں نکالتے ہیں ۔

جمعہ الوداع کو یوم القدس کا نام امام خمینی رح نے دیا اس  کے بعد سے دنیا بھر کے مسلمان اس دن کو یوم القدس کے طور پر مناتے ہیں اور اسرائیل سے اپنی نفرت کا اظہار کرتے ہیں۔

پاکستان میں بھی اس دن ملک کے مختلف شہروں میں یوم القدس کے حوالے سے ریلیاں نکالی جاتی ہیں جس میں شرکاء مردہ باد اسرائیل اور مردہ باد امریکہ کے نعرے لگاتے ہوئے اپنی فلسطینی بھائیوں سے اظہار یکجہتی کرتے ہیں اور اسرائیل سے اپنی نفرت کا اظہار کرتے ہیں۔

عمران خان نے  بھی اس موقع پر ٹوئٹ میں کہا کہ  یوم القدس کے موقع پر ہم قابض اسرائیلی افواج کے تشدد اور ظلم کے خلاف فلسطینی عوام کے ساتھ اظہار یکجہتی کیا ہے۔ عمران خان نے کہا کہ ہر رمضان میں ہم مسجد اقصیٰ میں نمازیوں کے خلاف اسرائیلی فورسز کے قابل مذمت حملوں کا مشاہدہ کرتے ہیں، جو مسلمانوں کے لیے تیسرے مقدس ترین مقام ہے۔