?️
کوہاٹ: (سچ خبریں) خیبرپختونخوا پولیس نے کوہاٹ میں دہشت گردوں کے حملے میں دو پولیس اہلکاروں کی شہادت کی تحقیقات شروع کر دی ہیں۔
اس کے علاوہ ضلع لوئر دیر میں مسلح افراد کے حملے میں ٹریفک پولیس کا ایک اہلکار شہید جبکہ ضلع ڈیرہ اسمٰعیل پولیس کے کریک ڈاؤن میں ایک عسکریت پسند ہلاک اور دو زخمی ہوئے۔
میڈیا رپورٹس کے مطابق کوہاٹ کے محمد ریاض شہید تھانے کے ایس ایچ او اسلام الدین نے بتایا کہ اہلکار ایاز اور قاسم پر پیر کی رات میرزئی کے علاقے بنوں روڈ پر اس وقت شدت پسندوں نے حملہ کیا جب وہ نماز تراویح کی سیکیورٹی ڈیوٹی دینے کے لیے مسجدِ ابوبکر اور مسجدِ حمزہ کی جانب جارہے تھے۔
ان کا کہنا تھا کہ حملہ آوروں کی جانب سے چلائی جانے والی گولیاں اہلکاروں کے پہنے ہوئے ہیلمٹ اور بلٹ پروف جیکٹوں کو پار کر گئیں۔
ایس ایچ او نے بتایا کہ مقتولین کی نماز جنازہ منگل کو پولیس لائنز میں ادا کی گئی۔
صوبائی پولیس سربراہ اختر حیات خان گنڈا پور نے عسکریت پسندوں کے حملے کی تحقیقات کے لیے دو رکنی کمیٹی تشکیل دے دی۔
سینٹرل پولیس آفس کی جانب سے جاری کردہ نوٹیفکیشن میں کہا گیا ہے کہ ڈی ایس پی (لاجسٹکس) سی پی او ثنا اللہ اور سب انسپکٹر صفدر خان پر مشتمل فیکٹ فائنڈنگ کمیٹی حملے کا جائزہ لے گی اور ایک ہفتے میں اپنی رپورٹ پیش کرے گی۔
اس میں مزید کہا گیا کہ کمیٹی جرم کی جگہ کا دورہ کرے گی اور اس بات کا پتا لگائے گی کہ پولیس اہلکاروں کو قتل کرنے کے لیے کس قسم کے ہتھیار استعمال کیے گئے جبکہ مقتولین کو جاری کیے گئے ہیلمٹ اور جیکٹس کا بھی جائزہ لے گی۔
علاوہ ازیں کمیٹی یہ بھی چیک کرے گی کہ محکمے کی جانب سے دونوں پولیس اہلکاروں کو مستقل اور عارضی استعمال کے لیے کون سے ’سیکیورٹی آلات‘ ملے تھے۔
دریں اثنا ضلع لوئر دیر کے تالاش بازار میں موٹر سائیکل سوار نے ٹریفک پولیس کانسٹیبل کو گولی مار کر شہید کر دیا اور فرار ہو گیا۔
پولیس نے مقتول کی شناخت اوچ شرقی کے رہائشی 35 سالہ بخت ضامن کے نام سے کی اور بتایا کہ ان پر ایک مصروف چوراہے پر ڈیوٹی کے دوران حملہ کیا گیا۔
پولیس کا کہنا تھا کہ انہوں نے مقدمہ درج کر کے حملہ آور کی تلاش شروع کر دی ہے، مقامی ایس ایچ او توحید خان نے ڈان کو بتایا کہ بخت ضامن کو ٹارگٹ کلنگ کا نشانہ بنایا گیا۔
متوفی کے اہل خانہ نے دعویٰ کیا کہ ان کی کوئی دشمنی نہیں تھی۔
اس کے علاوہ، ڈیرہ اسمٰعیل خان پولیس نے کہا کہ اس نے کوٹ عیسیٰ کے علاقے رات گئے ایک کارروائی میں عسکریت پسند گروپ کے ایک رکن کو ہلاک اور دیگر کو زخمی کر دیا۔
صوبائی پولیس کے البرق یونٹ نے صبح 3 بجے درابن تھانے کی حدود میں عسکریت پسند کمانڈر مظہر گنڈا پور کی موجودگی کی اطلاع پر آپریشن شروع کیا۔
مشہور خبریں۔
نگران وزیر اعلیٰ سندھ کی صوبے میں انسداد ملیریا مہم شروع کرنے کی ہدایت
?️ 28 اگست 2023اسلام آباد:(سچ خبریں) نگران وزیر اعلیٰ سندھ جسٹس ریٹائرڈ مقبول باقر نے
اگست
آرمی چیف سے ائیرچیف مارشل کی الوداعی ملاقات، آرمی چیف نے ایئرچیف کی خدمات کو سراہا
?️ 16 مارچ 2021راولپنڈی(سچ خبریں) آرمی چیف جنرل قمر جاوید باجوہ سے ایئر چیف مارشل
مارچ
پاکستان میں عزاداری کیسے منائی جاتی ہے؟
?️ 12 جولائی 2024سچ خبریں: 200 ملین کی آبادی والے پاکستان کے عوام کے تمام
جولائی
ہم ایران کو صرف دھمکیاں ہی دے سکتے ہیں،حملہ نہیں کرسکتے:سابق صیہونی وزیر اعظم
?️ 12 جنوری 2022سچ خبریں:سابق اسرائیلی وزیر اعظم ایہود اولمرٹ کا کہنا ہے کہ ہم
جنوری
ہم نے اپنے بچے کو سمجھا دیا ہے اب وہ اِدھر اُدھر نہیں مارے گا:امریکہ
?️ 12 اکتوبر 2024سچ خبریں: امریکی صدر نے جانبدارانہ موقف اپناتے ہوئے یونیفل کے ہیڈکوارٹر
اکتوبر
فلسطینی قیدیوں کے ساتھ صیہونیوں کا نسل پرستانہ سلوک
?️ 23 مئی 2022سچ خبریں:فلسطینی قیدیوں کے امور کی نگراں کمیٹی کے ذرائع ابلاغ نے
مئی
احترام اور ترقی؛ تہران ریاض تعلقات کا نیا عنوان
?️ 19 جون 2023سچ خبریں:سعودی وزیر خارجہ فیصل بن فرحان ایران اور سعودی عرب کے
جون
میدانِ جہاد سے شہادت تک، سید حسن نصر اللہ کے دیرینہ ساتھی سید ہاشم صفی الدین کون ہیں؟
?️ 23 فروری 2025 سچ خبریں:سید ہاشم صفی الدین، جو نہ صرف حزب اللہ کی
فروری