پاکستانی مفکرین کی عالمی یوم قدس کے موقع پر اسلامی اتحاد کو مضبوط بنانے پر تاکید

پاکستان

?️

سچ خبریں:اسلامی جمہوریہ ایران کے کلچر ہاؤس کی جانب سے راولپنڈی میں فلسطین اور بین الاقوامی نظام میں دوہرا معیار کے عنوان سے ایک کانفرنس منعقد ہوئی جس میں پاکستان کی ممتاز سیاسی اور مذہبی شخصیات نے شرکت کی۔

راولپنڈی میں اسلامی جمہوریہ ایران کے کلچر ہاؤس کی جانب سے فلسطین اور بین الاقوامی نظام میں دوہرا معیار کے عنوان سے منعقد ہونے والی کانفرنس میں موجود مفکرین اور ممتاز سیاسی و مذہبی شخصیات نے رمضان المبارک کے آخری جمعہ کو عالمی یوم قدس کے انعقاد پر مبنی دنیا بھر کے مسلمانوں کے لیے فیصلہ کن کردار کے مالک امام خمینی کے تاریخی فرمان کی اہمیت پر زور دیا۔

انہوں نے غاصب صیہونی حکومت کے جرائم اور انسانیت سوز اقدامات کے خلاف فلسطینی عوام کی مزاحمت کی حمایت پر زور دیا،اس اجتماع میں پاکستان کی سیاسی جماعتوں اور ثقافتی گروپوں کے نمائندوں بشمول جماعت اسلامی، مجلس وحدت مسلمین اور میڈیا کے ارکان نے شرکت کی۔

اس اجتماع میں مقررین نے فلسطینی عوام کے خلاف صیہونی حکومت کے نہ ختم ہونے والے جرائم اور ظلم و ستم کی طرف اشارہ کیا نیز خطے کے حکمرانوں بالخصوص اسرائیل کے ساتھ سمجھوتہ کرنے والوں کی خاموشی کو تنقید کا نشانہ بناتے ہوئے کہا کہ آج پوری دنیا کے مسلمانوں کا بنیادی فریضہ ہے کہ وہ مسئلہ فلسطین اور اس مظلوم قوم کے خلاف صیہونی حکومت کے جرائم کا مقابلہ کرنے کے لیے ایران کے اسلامی انقلاب کے بانی امام خمینی کے افکار اور رہنما اصولوں پر عمل کریں۔

اس کانفرنس کے مہمان خصوصی کی حیثیت سے جماعت اہل الحرام پاکستان کے سربراہ مفتی گلزار نعیمی نے کہا کہ صیہونیوں نے آج فلسطینی عوام کا قتل عام کر کے ثابت کر دیا ہے کہ اس غاصب حکومت کے کارندے ہمیشہ مسلمانوں کے خلاف شیطانی سازشیں کرتے رہتے ہیں۔

اسلامی جمہوریہ ایران کے کلچر ہاؤس کے سربراہ رحمان زاد نے کہا کہ مسلمانوں کی جانب سے اتحاد اور ہم آہنگی ایک بہت اہم مسئلہ ہے جس پر زیادہ توجہ دی جانی چاہیے اور صیہونی حکومت کے قیام کے لیے سامراجی نظام کی تمام تر حمایت کے باوجود ہم اسلامی اتحاد سے فلسطین کا دفاع کرسکتے ہیں۔

انہوں نے تاکید کی کہ اسلامی جمہوریہ ایران نے ہمیشہ مختلف طریقوں سے فلسطین کی حمایت کی ہے اور اس راہ میں ہم نے جانوں کا نظرانہ بھی پیش کیا ہے جن میں سب سے نمایاں شہید جنرل حاج قاسم سلیمانی ہیں۔

پاکستانی سچ ٹی وی نیوز چینل کے سربراہ علامہ افتخار حسین نقوی نے کہا ہے کہ القدس کی قابض حکومت نے مسئلہ فلسطین کے حوالے سے سمجھوتے کے مذاکرات کی بارہا خلاف ورزی کی ہے اور اقوام متحدہ کی قراردادوں پر کبھی عمل نہیں کیا۔

انہوں نے مزید کہا کہ تمام فلسطینی مزاحمتی جماعتیں اس ملک کے عوام کے ساتھ ہیں،انہوں نے ہمیشہ صیہونیوں اور فلسطین کے دشمنوں کے ارادوں کو متزلزل کیا ہے ،ناصر شیرازی نے فلسطین کانفرنس میں مقبوضہ فلسطین کے جاری بحران اور مزاحمتی محاذ کے سامنے صیہونیوں کی ناکامی کا ذکر کرتے ہوئے کہا کہ صیہونی حکومت اس وقت ایک مخدوش صورتحال میں گرفتار ہے؛ درحقیقت مسجد الاقصی پر اس حکومت کی شیطانی قوتوں کے حالیہ حملے صہیونیوں کے غصے کو ظاہر کرتے ہیں کیونکہ فلسطینی عوام اور لبنانی حزب اللہ ان کی تمام تر سازشوں کے خلاف قیمتی فتوحات حاصل کر چکی ہیں اور غاصب اسرائیلی حکومت اور اس کے حامیوں کو ناکامی اور مایوسی کا سامنا کرنا پڑا ہے۔

مشہور خبریں۔

حکومت کا پنجاب میں تعلیمی ادارے 2 ہفتے کے لئے بند کرنے کافیصلہ

?️ 10 مارچ 2021اسلام آباد(سچ خبریں)  ملک بھر میں کورونا کے بڑھتے کیسز کو دیکھتے

ٹرمپ کے غیر مستحکم رویے پر ہیریس کی تنقید

?️ 17 اکتوبر 2024سچ خبریں: ایک بیان میں، کملا ہیرس کی مہم نے بلومبرگ نیٹ

عین الاسداڈا ایک بار پھر راکٹ حملوں کا شکار

?️ 2 جون 2022سچ خبریں:عراق میں واقع عین الاسد امریکی فوجی اڈے کو ایک بار

کیا اسرائیل قیدیوں کے تبادلے پر متفق ہے؟

?️ 30 جنوری 2024سچ خبریں:عبرانی زبان کے مختلف میڈیا کے مطابق کہ اسرائیل نے ثالثوں

امریکہ افغانستان میں اپنی شکست کا بدلہ لینا چاہتا ہے: قندھار دھماکے پر لبنان کا جواب

?️ 16 اکتوبر 2021سچ خبریں: لبنان کی حزب اللہ تحریک نے ایک بیان میں قندھار

عمران خان کو کمزور سمجھ کر اپوزیشن کو منہ کی کھانی پڑی: فواد چوہدری

?️ 27 مارچ 2021لاہور(سچ خبریں) وفاقی وزیر برائے سائنس و ٹیکنالوجی فواد چوہدری کا کہنا

لاہور: اورنج لائن ٹرین ٹرمینل پر ریموٹ کنٹرول ڈرون طیارہ گر کر تباہ

?️ 17 نومبر 2022لاہور: (سچ خبریں) لاہور میں ٹھوکر نیاز بیگ کے علاقے میں اورنج

غزہ میں جنگ بندی سے متعلق امریکی قرارداد مبہم ہے: روس

?️ 11 جون 2024سچ خبریں: اقوام متحدہ میں روسی فیڈریشن کے مستقل نمائندے واسیلی نیبنزیا نے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے