وزیراعظم شہباز شریف نے قومی سلامتی کی پارلیمانی کمیٹی کا ان کیمرہ اجلاس کل طلب کرلیا

?️ 17 مارچ 2025

اسلام آباد: (سچ خبریں) وزیراعظم شہباز شریف نے قومی سلامتی کی پارلیمانی کمیٹی کا ان کیمرہ اجلاس کل طلب کرلیا،وزیراعظم شہبازشریف کی ایڈوائس پر سپیکر قومی اسمبلی ایاز صادق نے قومی سلامتی کی پارلیمانی کمیٹی کا اجلاس بروز منگل دوپہر ڈیڑھ بجے طلب کیا ہے،اجلاس قومی اسمبلی ہال میں منعقد کیا جائے گا جس میں پارلیمان میں موجود تمام سیاسی جماعتوں کے پارلیمانی لیڈرز اور نامزد نمائندگان شرکت کریں گے۔

وزیراعظم آفس سے جاری بیان میں کہا گیا کہ قومی سلامتی کی پارلیمانی کمیٹی کا اجلاس ان کیمرہ منعقد ہو گا جس میں متعلقہ اداروں کی جانب سے ملک کی مجموعی سیکیورٹی صورت حال پر بریفنگ دی جائے گی۔اجلاس میںمتعلقہ وفاقی وزراءبھی اجلاس میں شرکت کریں گے ۔

ان کیمرہ اجلاس میں ملکی سکیورٹی صورتحال پر بریفنگ دی جائے گی ۔عسکری قیادت پارلیمانی کمیٹی کو موجوہ سکیورٹی صورتحال سے آگاہ کرے گی۔

ان کیمرہ اجلاس میںپارلیمان میں موجود تمام سیاسی جماعتوں کے پارلیمانی لیڈر اور ان کے نامزد نمائندگان شرکت کریں گے اور اس کے ساتھ ہی متعلقہ اراکین کابینہ بھی اس اجلاس میں شرکت کریں گے۔ان کیمرا اجلاس میں قومی سلامتی کے موجودہ حالات پر مکمل بریفنگ دی جائے گی اور تمام سیاسی جماعتوں کی مشاورت سے ان دہشتگردوں کیخلاف کارروائی کیلئے متفقہ پالیسی بنائی جائے گی۔

اجلاس میںپاکستان پیپلزپارٹی کے چیئرمین بلاول بھٹوزرداری کی جانب سے نیشنل ایکشن پلان ٹو بنانے کی تجویز کا بھی جائزہ لیا جائے گا۔یہ بھی بتایاگیا ہے کہ پارلیمانی کمیٹی میں آئندہ کی حکمت عملی بھی منظور کی جائے گی اور پارلیمنٹ کےفیصلےکی روشنی میں دہشت گردوں کیخلاف آپریشنز میں تیزی کیلئے فیصلے ہونگے جبکہ قومی ایکشن پلان پر عملدرآمد کا بھی جائزہ لیا جائے گا۔اجلاس میں ملک میں حالیہ بڑھتی ہوئی دہشت گردی کی لہر کی صورتحال پر بھی جائزہ لیا جائیگا اور متفقہ پالیسی بنانے کیلئے تمام جماعتوں سے تفصیلی مشاورت کی جائیگی ۔