صدر عارف علوی کا عمران خان سے رابطہ

?️ 14 فروری 2023

اسلام آباد: (سچ خبریں) صدر مملکت عارف علوی نے وزیر خزانہ اسحاق ڈار سے ملاقات کے بعد چئیرمین پی ٹی آئی عمران خان سے رابطہ کیا ہے۔ ملک سیاسی اور معاشی صورتحال پر گفتگو کی گئی۔

ٹیلیفونک رابطے میں اسحاق ڈار سے ہونے والی ملاقات پر بھی گفتگو کی گئی۔صدر مملکت عارف علوی کا چند روز میں دورہ لاہور کا بھی امکان ہے۔صدر عارف علوی نے عمران خان سے ملک میں عام انتخابات کی ٹائم لائن سے متعلق بھی گفتگو کی۔

اب سے کچھ دیر قبل صدر مملکت ڈاکٹر عارف علوی سے وزیر خزانہ اسحاق ڈار کی ملاقات ہوئی تھی۔ملاقات میں مختلف امور پر تبادلہ خیال کیا گیا۔صدر عارف علوی اور وزیر خزانہ اسحاق ڈار کی ملاقات میں معاشی صورتحال پر مشاورت کی گئی۔ وزیر خزانہ نے صدرِ مملکت کو آئی ایم ایف سے معاہدے سمیت دیگر امور پر بریف کیا۔

صدر اور وزیر خزانہ کی ملاقات میں آئی ایم ایف کے مطالبات سے متعلق گفتگو کی گئی۔

اسحاق ڈار نے متوازن بجٹ بنانے کے فارمولے پر صدر کو اعتماد میں لیا۔صدر عارف علوی نے اپنی طرف سے بھی تجاویز پیش کیں۔ حکومت کی طرف سے منی بجٹ آرڈیننس کی صورت میں نافذ کرنے پر بھی گفتگو کی گئی۔ذرائع کے مطابق منی بجٹ تجاویز آج کابینہ کے اکلاس میں منظور کیے جانے کا امکان ہے۔ خیال رہے کہ وفاقی حکومت نے منی بجٹ کیلیے آرڈیننس لانے کا فیصلہ کر لیا ہے۔

حکومتی ذرائع کے مطابق سینیٹ اور پارلیمنٹ کا مشترکہ اجلاس ختم ہونے کے بعد صدارتی آرڈیننس جاری ہوگا،ٹیکسوں اور ڈیوٹی کی شرح میں ردوبدل آرڈینیس کے ذریعے ہوگا،سینیٹ اجلاس کی وجہ سے ابھی آرڈینینس جاری نہیں ہوسکتا،صدارتی آرڈیننس چار ماہ کیلیے نافذ العمل ہوگا ۔ حکومتی ذرائع کا مزید کہنا ہے کہ قرارداد کے ذریعے قومی اسمبلی اس میں مزید ایک سو بیس دن توسیع کی منظوری دے سکتی ہے۔