خیبرپختونخوا: پرانی گاڑیوں پر پابندی عائد کر دی گئی

?️ 16 دسمبر 2021

پشاور (سچ خبریں) محکمہ ٹرانپسورٹ نے خیبرپختونخوا میں پرانی گاڑیوں پر پابندی عائد کر دی گئی۔ پرانی گاڑیوں کو نئی میں تبدیل کرنے کے لیے ایک ماہ کا وقت دے دیا۔ ماڈل 2000 اور 2000 سے پہلے کی رجسٹرڈ گاڑیوں کو سڑکوں پر کسی بھی روٹ پر لانے پر پابندی ہو گی۔

تفصیلات کے مطابق خیبرپختونخوا  کے محکمہ ٹرانسپورٹ  نے پرانی گاڑیوں پر مکمل پابندی عائد کرتے ہوئے کسی بھی روٹ پر چلنے سے روک دیا۔ ڈائریکٹر ٹرانسپورٹ فہد اکرام  نے کہا کہ پرانی گاڑیاں ماحول کے لیے خطرہ ہیں اور ان پرانی گاڑیوں کو خیبر پختونخوا کے کسی بھی روٹ پر چلنے کی اجازت نہیں ہو گی تا ہم دسمبر 2000 سے پہلے رجسٹرڈ تعلیمی اداروں کی گاڑیوں پر 15 جنوری کے بعد پابندی عائد ہو گی۔

انہوں نے کہا کہ پرانی گاڑیوں کو نئی میں تبدیل کرنے کے لیے محکمہ ٹرانسپورٹ نے ایک ماہ کی رعایت دی جا رہی ہے تا ہم رعایتی مدت کے بعد فیصلے پر سختی سے عمل کیا جائے گا اور جرمانے وغیرہ کی بھی امکان ہے۔ محکمہ ٹرانسپورٹ کے مطابق ماڈل 2000 اور 2000 سے پہلے کی رجسٹرڈ گاڑیوں کو سڑکوں پر لانے پر پابندی ہو گی۔ پابندی عائد کرنے کی بنیادی وجہ یہ ہے کہ پرانی گاڑیاں ماحول کے لئے خطرہ ہیں۔