?️
اسلام آباد: (سچ خبریں) وفاقی حکومت نے عمران خان کے قافلے میں سرکاری پروٹوکول کے ساتھ وزیراعلیٰ گلگت بلتستان کے شامل ہونے کا سخت نوٹس لے کر ان کے خلاف کارروائی پر غور شروع کر دیا۔
نجی ٹی وی نے ذرائع کا حوالہ دیتے ہوئے رپورٹ کیا ہے کہ سابق وزیراعظم عمران خان کی اسلام آباد کی عدالت میں پیشی کے دوران گلگت بلتستان کے وزیراعلیٰ خالد خورشید مسلح گارڈز کے ساتھ قافلے میں شامل ہوئے اور وفاقی حکومت کے واضح احکامات کے خلاف جی بی پولیس اہلکاروں نے عمران خان کو سکیورٹی دی۔
وفاقی حکومت کے ذرائع سے معلوم ہوا ہے کہ وزیراعلیٰ سیاسی ریلیوں اور عدالت پیشی کے موقع پر سرکاری سکیورٹی عمران خان کو نہیں دے سکتے، جی بی پولیس اہلکاروں نے عمران خان کو سکیورٹی دیے جانے کو جواز بناکر وفاقی حکومت نے وزیراعلیٰ خالد خورشید کے خلاف کارروائی کیلئے مختلف آپشنز پر غور شروع کردیا ہے۔
خیال رہے کہ حکومت آئی جی گلگت بلتستان محمد سعید کو پہلے ہی عہدے سے ہٹا چکی ہے، محمد سعید کو اسٹیبلشمنٹ ڈویژن رپورٹ کرنے کی ہدایت کی گئی ہے، محمد سعید پر زمان پارک سے پولیس اہلکاروں کو واپس نہ بلانے کا الزام ہے۔
اس حوالے سے وفاقی وزیر اطلاعات و نشریات مریم اورنگزیب نے بھی الزام عائد کیا تھا کہ گلگت بلتستان کی فورس کو استعمال کر کے پنجاب پولیس کے اہلکاروں کے سر پھاڑے جا رہے ہیں، پولیس کے پاس کوئی اسلحہ نہیں ہے، پولیس عدالتی احکامات پر ایک مجرم کو گرفتار کر رہی ہے۔ ادھر وزیر اعلی گلگت بلتستان خالد خورشید نے زمان پارک لاہور میں پی ٹی آئی کارکنوں پر پولیس تشدد کی سخت مذمت کرتے ہوئے کہا ہے کہ عمران خان کی تاریخی ریلی نے پی ڈی ایم کے کرپٹ ٹولے کی بنیادیں ہلاکر رکھ دی ہیں، گرفتاری کی مذموم کوشش پی ڈی ایم ٹولے کی بوکھلاہٹ کا نتیجہ ہے، یہ عمل چیئرمین عمران خان کا عوام سے رابطہ ختم کرنے کیلئے ایک آمرانہ ہتھکنڈا ہے جس کی جتنی بھی مذمت کی جائے کم ہے۔
انہوں نے کہا کہ زمان پارک میں نہتے پی ٹی آئی کارکنوں پر ریاستی طاقت کا استعمال بدترین دہشت گردی ہے، کرپٹ پی ڈی ایم ٹولہ ظلم و جبر کی نئی داستان رقم کر رہا ہے، قوم جابر و ظالم پی ڈی ایم حکومت کی اس سفاکیت کو کبھی معاف نہیں کرے گی۔


مشہور خبریں۔
نیٹو ممالک کو روسی طیاروں کو اپنے فضائی حدود میں گرانا چاہیے: ٹرمپ
?️ 24 ستمبر 2025سچ خبریں: امریکی صدر ڈونلڈ ٹرمپ نے بدھ کے روز اقوام متحدہ
ستمبر
امریکہ کا مقدمہ سلامتی کونسل اور بین الاقوامی فوجداری عدالت میں پیش کرنے کے لیے تیار ہے:شامی انسانی حقوق کمیشن
?️ 8 فروری 2022سچ خبریں:شام میں انسانی حقوق کمیشن کے سربراہ نے اس ملک میں
فروری
برطانوی شہزادہ ہیری نے اپنے اخراجات پورے کرنے کے لیے امریکی ادارے میں ملازمت اختیار کرلی
?️ 24 مارچ 2021لندن (سچ خبریں) برطانوی شہزادہ ہیری نے اپنے اخراجات پورے کرنے کے
مارچ
امریکی جنرل کو ایران کے سلسلہ میں تشویش
?️ 23 مئی 2021سچ خبریں:امریکی جنرل اورسینٹکام کے کمانڈر نے ایرانی ساختہ ڈرونوں کی شناخت
مئی
ارجنٹائن کے وزیراعظم نے استعفیٰ کیوں دیا ؟
?️ 28 جون 2026سچ خبریں: ارجنٹائن کے وزیراعظم مانوئل آدورنی نے اپنے خلاف بدعنوانی کے الزامات
جون
یمن جنگ میں امریکہ کی براہ راست شمولیت
?️ 5 اکتوبر 2026سچ خبریں: نیویارک ٹائمز کی رپورٹ کے مطابق 200 امریکی انٹیلیجنس تجزیہ
اکتوبر
مغربی کنارے میں صیہونی آبادکاروں کے حملوں میں 30 فلسطینی شہید
?️ 3 اکتوبر 2026سچ خبریں: ایک فلسطینی ادارے نے مغربی کنارے میں صیہونی آبادکاروں کے
اکتوبر
ہر بے گناہ پاکستانی کے خون کا بدلہ ضرور لیا جائے گا۔ فیلڈ مارشل عاصم منیر
?️ 28 جون 2025راولپنڈی (سچ خبریں) فیلڈ مارشل سید عاصم منیر نے کہا ہے کہ
جون