تجربہ کار ٹیم اپنے تجربے کے ساتھ ملکی معیشت اور عوام کی زندگی کو تباہ کر رہی ہے:پرویز الہیٰ

?️ 16 جون 2022

لاہور (سچ خبریں) اسپیکر پنجاب اسمبلی چوہدری پرویز الہٰی نے کہا ہے کہ حکومت بجٹ میں ریلیف تو دے نہ سکی ہر ہفتے عوام پر مہنگائی کا بم گرایا جا رہا ہے ، تجربہ کار ٹیم اپنے تجربے کے ساتھ ملکی معیشت اور عوام کی زندگی کو تباہ کر رہی ہے ۔

تفصیلات کے مطابق اسپیکر پنجاب اسمبلی پرویز الہٰی سے اپوزیشن لیڈر سبطین خان اور پی ٹی آئی رہنماء محمود الرشید نے ملاقات کی ، اس موقع پر گفتگو کرتے ہوئے اسپیکر پنجاب اسمبلی نے کہا کہ پیٹرولیم مصنوعات کی قیمتوں میں اضافہ ظالمانہ ہے ، مرکز میں بڑے میاں ، پنجاب میں چھوٹے میاں آئینی اداروں کا تقدس پامال کر رہے ہیں ، مرکز میں من پسند اپوزیشن لیڈر بنا لیا ،پنجاب میں چھوٹے میاں نے اپنی اسمبلی ہی بنالی ، بڑے میاں تو بڑے میاں ، پنجاب کے چھوٹے میان سبحان اللہ۔

علاوہ ازیں میڈیا سے گفتگو کرتے ہوئے اسپیکر پنجاب اسمبلی چوہدری پرویز الٰہی نے کہا ہے کہ صوبائی اسمبلی کا اجلاس ایوان اقبال میں بلانا غیر قانونی اور مذاق ہے ، حکومت کو کئی مرتبہ کہا آئیں بجٹ پیش کریں لیکن یہ لوگ نہیں آئے اور اگر گورنر اجلاس برخاست کرتے ہیں تو سب سے پہلے سیکریٹری اسمبلی کو کہا جاتا ہے ، رولز کے تحت سیکرٹری اسمبلی گزٹ نوٹیفکیشن جاری کرتے ہیں ، رولز کے تحت گورنر اجلاس بلاتے ہیں تو سیکریٹری اعلامیہ جاری کرتا ہے ، ایوان اقبال میں اجلاس بلانا غیرقانونی اور مذاق ہے ، اسپیکر کے ہوتے ہوئے ڈپٹی اسپیکر اجلاس کی صدارت نہیں کرسکتے ، اس سے قبل وزیراعلیٰ کا انتخاب بھی غیرقانونی تھا اب ایوان اقبال میں اجلاس بھی غیرقانونی ہوگا۔

اسپیکر پنجاب اسمبلی نے کہا کہ خواتین ارکان کی جانب سے درخواست آئی ہے کہ عطا تارڑ کے نازیبا اشاروں سے متعلق تحریک پیش کی جائے گی ، عطا تارڑ نے جو حرکتیں اور نازیبا اشارے کیے اس پر بات ہوگی ، عوام کو بتائیں گے یہ ن لیگ ہے اور ان کے ارکان کی حرکتیں دیکھیں