بلوچستان کے شہر سبی میں دھماکہ

?️ 8 مارچ 2022

سبی(سچ خبریں)بلوچستان کے شہر سبی میں دھماکہ ،پولیس کے مطابق دھماکہ سبی کے علاقے جیل روڈ پر ہوا جس میں تین افراد کے جاں بحق ہونے کی تصدیق ہوئی ہے۔دھماکا انتہائی زوردار تھا جس کی آواز دور دور تک سنی گئی جبکہ زخمی ہونے والے افراد میں متعدد افراد کی حالت تشویشناک بتائی جاتی ہے۔

پولیس کے مطابق دھماکے کے بعد قانون نافذ کرنے والے اداروں نے علاقے کو سیل کردیا اور جائے وقوعہ پر  بم ڈسپوزل اسکواڈ کو بھی طلب کرلیا گیا جس کے بعد دھماکے کی نوعیت کا پتا لگ سکے گا۔

ایم ایس ڈاکٹر سرور ہاشمی کا کہنا ہےکہ دھماکے کے 28 زخمی سبی ڈسٹرکٹ اسپتال لائے گئے ہیں جن میں سے بیشتر کی حالت تشویشناک ہے۔

دھماکے کے 28 زخمی سبی ڈسٹرکٹ اسپتال لائے گئے ہیں جن میں سے بیشتر کی حالت تشویشناک ہے، پولیس  کے مطابق دھماکہ حبیب چوک کے قریب ہوا جس میں دو پولیس اہلکار بھی زخمی ہوئے۔

پولیس کاکہنا ہے کہ دھماکے کے بعد قانون نافذ کرنے والے اداروں نے علاقے کو سیل کردیا اور جائے وقوعہ پر  بم ڈسپوزل اسکواڈ کو بھی طلب کرلیا گیا جس کے بعد دھماکے کی نوعیت کا پتا لگ سکے گا۔

دوسری جانب صوبائی  وزیر احسان شاہ کا کہنا ہےکہ دھماکے کے بعد سبی اور کوئٹہ کے اسپتالوں میں ایمرجنسی نافذ کردی گئی ہے۔