ایشیائی ترقیاتی بینک نے خیبرپختونخوا میں سڑکوں کی بحالی کیلئے 32 کروڑ ڈالر کی منظوری دیدی

?️

پشاور: (سچ خبریں) ایشیائی ترقیاتی بینک (اے ڈی بی) نے پاکستان کے صوبے خیبرپختونخوا میں سڑکوں کی بحالی کے لیے 32 کروڑ ڈالر کے قرض کی منظوری دی ہے۔

اے ڈی بی کے ریزیڈنٹ مشن نےاعلان کیا کہ ’خیبر پختونخوا رورل روڈ ڈیولپمنٹ پروجیکٹ‘ صوبے میں تقریباً 900 کلومیٹر طویل دیہی سڑکوں کو اپ گریڈ کرے گا جو سیلاب سے متاثر ہوئی ہیں اور ان کی حالت خراب ہے۔

اس میں کلیدی راستوں کا احاطہ کیا گیا جو دور دراز کی کمیونٹیز کو تعلیم، صحت کی دیکھ بھال اور بازاروں سے جوڑتی ہیں، اس منصوبے میں موسمیاتی ریزیلیئنٹ ڈیزائن، سڑک کی حفاظت میں اضافہ، اور پائیدار دیکھ بھال کے طریقوں کو شامل کرنے کے اقدامات شامل ہیں۔

وسطی اور مغربی ایشیا کے لیے ایشیائی ترقیاتی بینک کے ڈائریکٹر جنرل یوگینی ژوکوف نے کہا کہ سڑک ٹرانسپورٹ عوام کے لیے لائف لائن اور پاکستان میں سماجی و اقتصادی ترقی کا ایک اہم جز ہے، بنیادی ڈھانچے کا یہ اہم منصوبہ سفر کے وقت کو کم کرے گا، نقل و حمل کے اخراجات کو کم کرے گا اور خیبر پختونخوا کے لاکھوں باشندوں کے لیے اقتصادی مواقع تک رسائی میں اضافہ کرے گا۔

انہوں نے بتایا کہ مارکٹس اور خدمات تک بہتر رسائی فراہم کر کے ہم مقامی کمیونٹیز کو بااختیار بنا رہے ہیں اور پاکستان کے سب سے کم سہولیات والے خطوں میں سے ایک میں جامع اقتصادی ترقی کو آگے بڑھا رہے ہیں۔

یہ منصوبہ حکومت کو طویل مدتی ٹارگٹ انٹروینشنز کی تیاری میں مدد کرنے کے لیے تکنیکی اور مالی مدد فراہم کرے گا جس سے صوبے کے روڈ نیٹ ورک کی پائیداری میں اضافہ ہوگا۔

اے ڈی بی کے سینئر ٹرانسپورٹ اسپیشلسٹ سیونگھون کم نے کہا کہ اے ڈی بی حکومت کی مدد کرے گا تاکہ وہ صوبے بھر میں لینڈ سلائیڈنگ کے خطرے پر توجہ مرکوز کرتے ہوئے، ترجیحی سڑکوں کی نشاندہی کرنے کے لیے سیلاب کی نوعیت پر ایک جامع مطالعہ کریں، ہم دو سیاحتی سڑکوں کے آپریشن اور دیکھ بھال کے لیے رعایتی معاہدوں کی تیاری میں حکومت کی مدد کریں گے، جو سڑکوں کے نیٹ ورک کی پائیداری میں معاون ثابت ہوں گے۔

یاد رہے کہ پاکستان اے ڈی بی کا بانی رکن ہے، 1966 سے اے ڈی بی نے پاکستان میں جامع اقتصادی ترقی کو فروغ دینے اور ملک کے بنیادی ڈھانچے، توانائی اور خوراک کی حفاظت، ٹرانسپورٹ نیٹ ورکس، اور سماجی خدمات کو بہتر بنانے کے لیے سرکاری اور نجی شعبے کے قرضوں، گرانٹس اور فنانسنگ کی دیگر اقسام میں 52 ارب ڈالر سے زیادہ کا عہد کیا ہے۔

مشہور خبریں۔

پاک بھارت سیز فائر کیلئے کوئی مدت مقرر نہیں کی گئی۔ سکیورٹی ذرائع

?️ 16 مئی 2025اسلام آباد (سچ خبریں) سکیورٹی ذرائع نے بتایا کہ پاک بھارت سیز

آسٹریلیا میں طلبہ کا اسرائیل کے خلاف بائیکاٹ پر ریفرنڈم کا اعلان

?️ 21 اگست 2025آسٹریلیا میں طلبہ کا اسرائیل کے خلاف بائیکاٹ پر ریفرنڈم کا اعلان

اسرائیلی اٹارنی جنرل نے نیتن یاہو کو طلب کر لیا

?️ 26 فروری 2026سچ خبریں: اسرائیلی اٹارنی جنرل اور کابینہ کے قانونی مشیر نے وزیر

افغانستان کی زمین پاکستان کےخلاف دہشت گردی کیلئے استعمال ہورہی ہے، جان اچکزئی

?️ 11 دسمبر 2023کوئٹہ: (سچ خبریں) نگران وزیر اطلاعات بلوچستان جان اچکزئی نے کہا ہے

شام میں امریکی افواج کے سب سے بڑے اڈے میں خوفناک دھماکے

?️ 15 ستمبر 2022سچ خبریں:شام کے صوبہ دیر الزور شہر میں واقع العمر آئل فیلڈ

ملائیشیا کی عدالت نے پی آئی اے طیارے کو فوری طور پر ریلیزکرنے کا حکم جاری کر دیا

?️ 27 جنوری 2021ملائیشیا کی عدالت نے پی آئی اے طیارے کو فوری طور پر

یمنی میزائل اور ڈرون حملوں کو روکنا ناممکن ہے؛صہیونی تجزیہ کار کا اعتراف 

?️ 5 مئی 2025 سچ خبریں:صہیونی تجزیہ کار آوی اشکنازی نے اعتراف کیا ہے کہ

وسطی ایشیا میں مشترکہ ترک رسم الخط؛ لسانی سامراج یا ثقافتی ہم آہنگی؟

?️ 22 جولائی 2026سچ خبریں:ترکی کی جانب سے مشترکہ ترک رسم الخط کا منصوبہ بظاہر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے