?️
پشاور: (سچ خبریں) ایشیائی ترقیاتی بینک (اے ڈی بی) نے پاکستان کے صوبے خیبرپختونخوا میں سڑکوں کی بحالی کے لیے 32 کروڑ ڈالر کے قرض کی منظوری دی ہے۔
اے ڈی بی کے ریزیڈنٹ مشن نےاعلان کیا کہ ’خیبر پختونخوا رورل روڈ ڈیولپمنٹ پروجیکٹ‘ صوبے میں تقریباً 900 کلومیٹر طویل دیہی سڑکوں کو اپ گریڈ کرے گا جو سیلاب سے متاثر ہوئی ہیں اور ان کی حالت خراب ہے۔
اس میں کلیدی راستوں کا احاطہ کیا گیا جو دور دراز کی کمیونٹیز کو تعلیم، صحت کی دیکھ بھال اور بازاروں سے جوڑتی ہیں، اس منصوبے میں موسمیاتی ریزیلیئنٹ ڈیزائن، سڑک کی حفاظت میں اضافہ، اور پائیدار دیکھ بھال کے طریقوں کو شامل کرنے کے اقدامات شامل ہیں۔
وسطی اور مغربی ایشیا کے لیے ایشیائی ترقیاتی بینک کے ڈائریکٹر جنرل یوگینی ژوکوف نے کہا کہ سڑک ٹرانسپورٹ عوام کے لیے لائف لائن اور پاکستان میں سماجی و اقتصادی ترقی کا ایک اہم جز ہے، بنیادی ڈھانچے کا یہ اہم منصوبہ سفر کے وقت کو کم کرے گا، نقل و حمل کے اخراجات کو کم کرے گا اور خیبر پختونخوا کے لاکھوں باشندوں کے لیے اقتصادی مواقع تک رسائی میں اضافہ کرے گا۔
انہوں نے بتایا کہ مارکٹس اور خدمات تک بہتر رسائی فراہم کر کے ہم مقامی کمیونٹیز کو بااختیار بنا رہے ہیں اور پاکستان کے سب سے کم سہولیات والے خطوں میں سے ایک میں جامع اقتصادی ترقی کو آگے بڑھا رہے ہیں۔
یہ منصوبہ حکومت کو طویل مدتی ٹارگٹ انٹروینشنز کی تیاری میں مدد کرنے کے لیے تکنیکی اور مالی مدد فراہم کرے گا جس سے صوبے کے روڈ نیٹ ورک کی پائیداری میں اضافہ ہوگا۔
اے ڈی بی کے سینئر ٹرانسپورٹ اسپیشلسٹ سیونگھون کم نے کہا کہ اے ڈی بی حکومت کی مدد کرے گا تاکہ وہ صوبے بھر میں لینڈ سلائیڈنگ کے خطرے پر توجہ مرکوز کرتے ہوئے، ترجیحی سڑکوں کی نشاندہی کرنے کے لیے سیلاب کی نوعیت پر ایک جامع مطالعہ کریں، ہم دو سیاحتی سڑکوں کے آپریشن اور دیکھ بھال کے لیے رعایتی معاہدوں کی تیاری میں حکومت کی مدد کریں گے، جو سڑکوں کے نیٹ ورک کی پائیداری میں معاون ثابت ہوں گے۔
یاد رہے کہ پاکستان اے ڈی بی کا بانی رکن ہے، 1966 سے اے ڈی بی نے پاکستان میں جامع اقتصادی ترقی کو فروغ دینے اور ملک کے بنیادی ڈھانچے، توانائی اور خوراک کی حفاظت، ٹرانسپورٹ نیٹ ورکس، اور سماجی خدمات کو بہتر بنانے کے لیے سرکاری اور نجی شعبے کے قرضوں، گرانٹس اور فنانسنگ کی دیگر اقسام میں 52 ارب ڈالر سے زیادہ کا عہد کیا ہے۔
مشہور خبریں۔
سعودی فوج کا یمن کے شہر صعدہ کے رہائشی علاقوں پر راکٹ اور توپ خانے سے حملہ
?️ 1 جولائی 2021سچ خبریں:سعودی حکومت نے یمن کے مختلف علاقوں میں فضائی حملوں سے
جولائی
نئی غیرملکی ائیرلائن شام ونگز نے پاکستان کیلئے فضائی آپریشن شروع کردیا
?️ 15 دسمبر 2021لاہور(سچ خبریں) نئی غیرملکی ائیرلائن شام ونگز نے پاکستان کیلئے فضائی آپریشن
دسمبر
چیف جسٹس کے ریمارکس پر تنقید، وضاحت کیلئے اٹارنی جنرل کا وفاقی وزیر قانون کو خط
?️ 13 فروری 2023اسلام آباد: (سچ خبریں) سپریم کورٹ میں نیب قانون میں ترامیم کے
فروری
دہشتگردی کی جڑ کہاں ہے؟
?️ 18 جون 2024سچ خبریں: عالمی افراتفری کے پھیلاؤ میں امریکہ کی وحشیانہ دہشت گردی
جون
امریکہ کا یوکرین کو ہتھیار بھیجنے کا کوئی ارادہ نہیں
?️ 29 جنوری 2023سچ خبریں:ارجنٹائن کے صدر البرٹو فرنانڈیز نے کہا کہ ارجنٹائن اور دیگر
جنوری
گروسی کا واضح اعتراف کہ ایران کی جوہری تنصیبات تباہ نہیں ہوئیں
?️ 29 جون 2025سچ خبریں: تہران کے خلاف تنظیم کی سازش کی ناکامی کے باوجود
جون
امریکہ کے پاس افغانستان میں شکست کا تجربہ
?️ 20 ستمبر 2024سچ خبریں: امریکی صدارتی امیدوار ڈونلڈ ٹرمپ کے حالیہ بیانات کے جواب
ستمبر
کیا روس جوہری تجربہ کر رہا ہے؟
?️ 5 اکتوبر 2022سچ خبریں:کچھ ذرائع ابلاغ نے اطلاع دی ہے کہ روس یوکرین یا
اکتوبر